Afhayeen magaciisa u hadlay Ururka Taliban oo magaciisa la yidhaahdo Zabihulah Mujaahid oo u waramey Telefishanka CBS ayaa yidhi '' Waxaanu rajaynaynaa in Trump mar kale guulaysto oo uu ciidmadiisa kala baxo Afganistan ''

Sidoo kale ururku wuxuu ka hadlay caafimaadka Trump , Afhayeen Zabihulah oo ka hadlay caafimaadka Trump wuxuu yidhi '' markaanu maqalay in uu ku dhacey xanuunka Carrona-virus waanu ka walaacney caafimaadkiisa , laakiin imika wuxuu u muuqdaa in uu kasoo reeyey .

Dhinaca kale , Afhayeen u hadlay kooxda dhinaca ololaha u qaabilsan madaxwayne Trump oo magaciisa la yidhaahdo Tim Murtua ayaa ka jawaabey taageeradda Taliban u muujisay Trump waxaanu yidhi '' Taliban waxay ogtahay in Trump xaqiijinayo danaha maraykana qiime kasta oo ay ku kacayso ''  .

Markii Trump xukunka qabsadey 2016  waxaa joogey Afganistan ciidamo faro badan , dagaalo culays wayn ku haya Maraykankuna way ka socdeen , hassa yeeshee Trump wuxuu la heshiiyey Taliban , ciidamadiina wusoo celiyey , wuxuuna ku reebey 10 kun oo keliya , Tobankii hadana 5 kun buu soo saarey , intii hadhayna wuxuu yidhi maalin dhawayd ciida kiristaanka ( 25-december) 2020 , Askari waliba waa in uu gurigiisii jooga , marka lagga reebo waxoogay tababarayaala oo dawladda Afganistan caawinaya .

Dhinaca kale , La taliyaha madaxwaynaha dhinaca amniga ee madaxwayne Trump , O brien ayaa isna ku raacay mawqifka ay istaageen labadda afhyeen ee Trump iyo Taliban waxaanu yidhi '' waxaanu u baahanahay in Askari kasta oo maraykani joogo ciidiisa 25-December , Dawladda Afganistana la heshiiso Taliban .

Si kastaba ha ahaatee , ciyaarta meeshan socota waxaa la dhahaa siyaasad, siyaasadina waatii is badbasha ee wejiyo badan , sidaa darteed akhriste si aad ugu xidhnaato siyaasadaha Aduunka ee xiisaha leh ku xidhnoow bogan .

W/Q: Ahmed Nour Guruje