Dhalintii Tagtaye Tacab Khasaar Uun Dheh ( Abdi-Shotaly).
Saaka waxan halkan idiiinku soo gudbinayaa Maanso gaaban, oo inoo tilmaamaysa sidda dhalintii qurbuhu ay uga tageen dhaqankii, weliba gaaloo kala xune ay u raaceen tii bidoodka madaw iyo qaabka ay u eeg-yiihiin, waa maanso ku tusaysa halkuu xaal maraayo,taas oo ubad-keenii aynaan gacan ku hayn, waxa kaloo ay kuu sheegaysaa in aan waalid.xigto,dhaqan,diin intaba ay ka sal guureen, oo ay noqdeen dacawaddii talaaba-deediina ka tagtay tii ay rabtay-na gaadhi wayday, iyo sawrika ay leeyihiin caruur-teenu marka ay gaadhaa sin-dheerta ( teen age-ka ( Waa wakhtiga ay gaadhaan 13 jir-ilaa 30 jirka'e), yaan kugu dheerayne, ku soo dhawaw, waatane.
Ta'da gabay-ba maandhaw ma odhan, Toosi maalma-hane,
Anigoo ka tegay bay dar kale, igu tilmaa-meene,
Cabdilaahi-yoow taadu , waa tu' an dhamaanayne,
Ku talaabsay abwaankii farxaan, ereyaddii taabudka ahaaye,
Ina Olola waa-kii tumaatida ku riday, taag yar-teeniiye (Sin-dheertii),
Ina muuse tartar buu ka maray, taynu haynay-ba'e,
Ina-yalas tafsiir-tuu u dhigay, waa tusaal wacane,
Hadaan talada lays-ku soo cel-celin, taab ma riix-deene,
Bal an tabto maan-tana, halkay tebayso laab-taydu,
Niman-yahaw tabaalada qurbuhu, tawsa-heed badane,
Way wada taraareen dhalini, oo gaalo tiig-sada'e,
Yaw-yaw maaxad tidhi, ayey wada tiraa-baane,
Tuhun beena baa galay, in ay tahan ku dheer-yiine,
Inamaddii tidcade duul alloow, tima dabniin-kiiye,
Habli-hiina taaloo bayba goos-teeen,oo tiirshe madaxiiye,
Sibra-hoo la tuuriyo lugaha, turuntu-roonaaya,
Tagoog-yaha dhamaa-diyo gamcaha, wada tafee-noobay,
Waa kuwaa af-kooddii ka tegay, oo aan ta' garanayne,
Tabadh-tabadh wixii aan ahayn, kuma tusmay-saane,
Lagu tumay hiddii aan lahayn, oo tuure waa hora'e,
Haday-naan ka tegin meeshan, tacab go' weeyaane,
Ma tashiisho ruuxii xumaan, loo tix geli-yaaye,
Inta goori-goor tahay, tashada dhaafnay hilin-kiiye.
Cabdilaahi-yoow tusmadu, Waa tusaal wacane,
Kuwad tiinka ( Teen agers) tidhi, baan Rabaa inan tibaa-xaaye,
Tola-haan ku dhaar-tahye, Wuxu-ba way tukuba-yaane,
Tafa-hay surwaalada hayaan, Tookh-na moodeene,
Dhabar-kooda tuuraa ku yaal, Taag-na waa madhane,
Tunkii wuu engegay oo, Indhuhu tiigsi weeyaane,
Tilmaan-tooda goor-taan arkiyo, Tacab khasaar-kooda,
Oo ay la wada tiica-yaan, Tamar la'aan-tooda,
Tala-na aan kaa qaada-nayn, Kaana tegi haynin,
Taf-siir dar aan raadi-nayn, iyo tacliin-toona,
Turuq-yadu dhamaadeen, Oo tahar la moodaayo,
Oo aan naf-tooda u tudhayn, Toobad xuma-dooda,
Oo waalid-kii dhalay tirsane, Misa-na tawsi wada hayso,
Talaw sidee baa la odhan, Tanina waa yaabe.
Waxan ku soo af-gooyey, Inamaddii oo siddii hablaha timaha u dabtay, surwaal-iina ka xidha sibraha, oo aad moodayso ama socodka u waadh-waadh sanaaya siddii inan yar oo la xalaaleeyey, oo bawyaha xadhig lagaga xidhay. Sidaas xarago mooday, oo marka uu foorar-sado futadiisu debedda taallo ood ilaa daakhilka arkayso, suxuladu soo baxeen, kuwaas oo aan tacliin iyo guur mid-na aan rabin, gaallo kala xune, ku dayday madaw kii ugu xumaa, waalid aan ka xishoon, bilaa akhlaaq noqday, misna cirkaa isla jooga. ku taamilo qaatta dalkan Boqor-tooyadda Ingiriiska Dhalintii wiilal ahayd, in ka badan 70% jeelka bay ka buuxaane, waxa aynu nahay ummadda ugu badan xabsiyadda Ingiriiska ( Dhanka da' yarta wiilasha), ee xashiid lagu wadda hayo, iyo dil, weliba iyaka baa is dila ee cid kale ma doon-taan. Habluhu kuma jiraan waxaas oo dhib ah, ee waa ka beri ama xalaal, Allaw Na bad-baadi, dad meesha kuma hayno'e.
* N.B Waa wada taraa-reen dhalini, oo gaalo tiig-sada'e!
Abdi-shotaly,
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!