Beer Laxawsigeenii, Ku Badhaadhay Qaarkeen, Badhna Boodhka Uu Galay
BISMILAHI ALRAXMAAN ALRAXIIM [A.S.C.W.R.W.B] TU KHAAS AHNA BAHDA H/W IYO AKHRISTAYAASHEEDA.
Madaxweynuhu meel wanaagsan buu iska taagay arrintii samiqaybsiga maalintii,
Dhaweyd ee qalin jibinta ardaydii jaamacada Camoud.
Waxaase jirta oo biyo kama dhibcaan ah in aynu weli u baahanahy cadaalad intaa ka qurxoon.
Wada gaadhimayso dadkoo dhane ee dhadhaweysa.
Beelah darafyadana waxaan leeyahay dalka aamina oo fartiina iyo farohiina fayoobaan wax ku doona. [TIXDANA KU DARSADA]:-
TIXDAN WAXAY TILMAAMAYSA IN BEESHADHEXE ISKU XIGTAYSAN JIRTAY AMA ISKU BEERLAXAWSAN JIRTAY HALGANKII,BEELAHA DARFYADUNA KAGA XISHOON JIREEN XAQOODA. HADDASE TAASI SHAQAYN WEYDAYE, HOOYA TIXDAN.
1-BOGSAY BEERLAXAWSIGI,KU BADHADHAY QAARKEEN,
BADHNA BOODHKA UU GALAY,BEELO LAGU SALEEYE,
BAAQA IYO AFGARASHADU,BAALAHEENA GAADHAYN,
BEENAWDAY SHEEKADI,LAYSKU BAADHAN JIRAY WAA.
2-BEESHA DHEXE LAHAYDE,XISBIYADA KU BEERTEEN,
BARI IYO GALBEEDIYO,BEESHADHEXE BADHU QADAY,
BAG BAGA ALLAY LEHE,KOL HADDAY IS BARATOON,
BUUFISKI SHAQAYNAYN,HALGAN LOOGU BAANAYN.
3-BADSATIYO YARAYSTABA,BUN BAAN LAGA DHIMAYNO,
BANAANKAA LA DHIGAYAA,BAAXAD NINKII ISBIDAYOW,
BUUQ LOOMA BAAHNE,MAANTABA YAAN LAGAA BADIN,
BIXIYOO CODADKAGANA,BUUXSO GOOBTAD LEEDAHAY.
4-BAADIDA RUUX KU RAAGTA,BARUU LEEYAY MOODYOO,
BIXINTEEDU KUBA ADAG,BERYAY NAGU MAQNAAYEEN,
SAAMIGIINAN BAYLAHAY,LAYDIN KAMANA BOOBINE,
BALAN MAYDIN DHIGANINE,BILAASHBA KU BIXISEEN.
ISMAIL ABDILLAHI HANDULEH.AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!