BISMILAAHI ALRAXMAAN ALRAXIIM {A.S.C.W.R.W.B}

SALAAN KHAAS AH WAXAN U SOO DIRAYA B/H IYO AKHRISTAYASHEEDA.

XADA XARAFKA AAN SOO XUSHIYO,XEEGADIYO LUUFKA,

XISBIYADI XUMAADE HADDAAN,XEER CID QABANAYNIN,

XAAFADO IYO REERAY NOQDEEN,XUUB QABIIL XIDHANE,

XURGUFIYO XANAAQ BAY DHALEN,XAAJO FILANWAAYE,

XAALKII MARKU XOOGSI GALAY,XOOLO LAGA RAADSHO,

XERADAADAN GEEL KUMA  JIREE,XOOR MIYAAD DHAMI,

XULUFADII IYO JEEGAANTIBA,DHAANTAY XUURTADANE,

XARIIQABA DUQII JEEXAYEE,XEERKAN MEEL MARIYEY,

XURMO IYO XAQDHAWR,WUU MUDNAA XEEBASHIYO HIIL,

XAJIINTII U BEERTUU GORTAYE,MUU XISAABTAMINE,

XISB XAAKIM LABA JEER XUKUMAY,GUDAY XILKIISIIYE.

XOOXDA IYO GODOLKABA RAGII,XUUBSADEE DHAMAY,

XAABNA AAN KA TEGINBA HADDANA,SOO XAGA BAXAY,

XIGTEEDANA MAR KALE DOONAYAA,XAADIRO QADAYE,

XAASHI IYO QABO GUURAYA,XADHIGA SOO GOOSTAY,

XISBIGOY XIDHAAN BAY RABAAN,XAALKI REER UDUBE,

XULUFO IYO JEEGAAN HADDAY,KALA XABAAL SEEGTAY,

XEERIYO DISTUUR LAGA TEGYOO,MALAHA XAAGAANBA.

XISHMADII XISBIYO LOO FURTIYO,HAYBTA KA XOREEBA,

XINJIRAHA QABIILKAY UNKEEN,XUMAHA BEEL BEESHA,

XALADII KA QAADIYO DHAMAAN,XARAKO QIIMAYNBA,

XISBIYADEENU XERO MA LEH,INTAY XAAFADAA TAHAY.

XALNA KAMA SUGAYNO,DADKAY KALA XARAYSTEENE,

XILUN DOONTA MOOYE MA JIRO,XARAF U MEEL YAAL,

XAARAAN BAY INAGA TAHAY,XISBI GUDA XAQEENABA,

XAL HADDII U WEYDAAN,SADDEXDAN AAN U XIDHANE,

XISBI QUDHA LA MOODEE,XAGGNABA AAN INOO WADIN,

                ISMAIL ABDILLAHI HANDULEH.