BISMILAAHI ALRAXMAAN ALRAXIIM{A.S.C.W,R,W.B}.

TU KHAAS AHNA BAHDA H/W IYO AKHRISTAYASHEEDA.

1-Dawladiyo dadweynoow,Dimuqraadi lama garan,

    Dawgii loo maraayo,Daaluunba dad kordhsaday,

    Dockastaba u cararayoo,Dariiqeeda lama helin,

    Duqayda iyo haweenkaa,Darkii jebiyey mooyane.

2-Dimuqraadinimadii,Darteeda miidiyaha degay,

    Diirmadoow dhamaaniyo,Dawladaha carabta ah,

    Dulsaar bay ku tahay culus,Dimuqraadinimadan

    Diinahaa badh necebyiin,Doonahaynin badankod.

3-Dalabka weeye gaalada,Waanay nagu dirqiyayaan,

    Dool raac bay inagu tahay,Teenani haw daraataba,

    Doondoon cadaankiyo,Dameeri raacday dhaanuun,

    Dabay soo amaahdaan,Siyaasiyiintaydun dirataan.

4-Diiday haddii la odhanlana,Dantaa noo qasbaysiyo,

    Duruufahan na daashaday,Dabarka noogu xidhaye,

    Dareenkana ogsoonyiin,Dunidan inay danbaabaan,

    Dimuqraadinimo tahay,Dulmi kastooy sameeyaan.

5-Doorsoon  Islaamkiye,Daayinoow ALLAA JIRA {SWT}

    Dawladihi dareeroo,Darbaa tegey Yuhuudi derisnimo,

    Dalbadanayo walaalnimo,Degdegayo dhaqaaqo qudus,

    Daadka raacsho Talabib,ka daadegay diintaw gargaarow.

    Doorkan sabato bixiyoo,Daalimiinta naga qabontaa.

                     Ismail Abdillahi Handuleh.