Aduunyadda xiligan waxaa ka jirra xanuunka saf-marka ah ee Covid-19 oo mar labaad soo laba kacleeyey , waxaa weheliya dhaqaale xumo baahsan oo ka dhalatay xanuunkan iyo duruufo siyaasadeed oo is kaashadey , sidaa darteed dawladaha mid waliba gaarkeedda ayay u hawlaysan tahay , booqashadda madaxda iyo safaraddu ma badna , shirarka badankoodana imika telefoonadda ayaa laggu dhamaystaa .

Sidaas oo tahay , Soomaaliya  waxaa u weheliya , burburka mudada dheer uu burbursanaa , nabadgelyo la'aanta amnigiisaba ay gacanta ku hayaan ciidamo shisheeyo oo  duunku bixiyo kharashkoodda , doorashooyinka soo dhaw ee aan waxba ka hadhsanayn iyo dhicista xukuumadii Raysal wasaare khayre oo aan weli lasoo dhisin xukuumadii badali lahayd , marka lagga reebo raysal wasaaraha cusub oo la ansiyey hassa yeeshee aan weli soo dhisin xukuumad cusub .

Intaas oo dhan oo jirta , Madaxwaynaha Soomaaliya wuxuu safar ku  tegey wiigan koonfurta Soodaan isagoo sheegey in uu markhaati ka noqonayo xabad joojinta dawlada koonfurta soodaan iyo jabhadaha kasoo horjeedda , hadana wuxuu safar ugu baxay wadanka Ereteriya oo uu sheegey in uu kala soo hadlayo koritaanka xidhiidhka labada wadan u dhaxeeya waa sida hadalka loo dhigaye.

Iyadoo Madaxwaynihi maqan yahay , waxaa isna wadanka ka baxay Raysal wasaarihii cusbaa oo sheegey isna in uu soo tacsiyeynayo wadanka kuwayd oo uu dhawaan geeriyooday sheekhii wadankaa xukumi jirey .

Si kastaba ha ahaatee , aduunyadda miyirka qabta , madaxwaynaha iyo raysal wasaaruhu isku mar wadanka kama baxaan , soomaaliya oo xaalkeedda la ogyahayna caawa madaxwaynihii iyo raysal wasaarihiiba wadanka waaka maqan yihiin , xukuumadii dhacdayna badalkeedii lama soo dhisin ,Soomaaliya waa ruwaayad .

W/Q: Ahmed Nour Guruje