Wadanka faransiiska ayaa kordhiyey miisaaniyadiisa dhinac gaashaandhigga 4.5% , korodhkaas oo laggu darey miisaaniyadda wadanka oo la ansixiyey 28-September ee sanadkan 2020 .

Korodhkan 4.5% ayaa noqonaya 50 Bilyan oo Yuuro oo u dhiganta 59 Bilyan oo doolar , taasoo macnaheeddu yahay in miisaaniyadii Gaashaandhigga ee faransiiska ee 3 sanno ka hor 2017 la kordhiiyey 22% , taasoo muujinaysa jahadda aduunku u socdo .

Lacagtan ayaa u kala shaxaysan 22.5 Bilyan oo qalabayn ah , 12.5 Bilyan oo mushahaaro ah , 9 Bilyan oo hawl-gab ah iyo 5 Bilyan oo ah kharashka hawl-galadda .

Qalabaynta cusub ee ciidamadda faransiiska loo samaynayo ayaa waxa ugu horeeya 30 diyaaradood oo ah kuwa qumaatigga u kaca

 ( Hilicobtors) ee la yidhaahdo H160M ,  kuwaasoo loo qorsheeyey 21 ciidamadda dhulka ah , 8 ciidamada badda ah iyo hal helikobtar oo ciidanka cirka laggu xoojiyo .

Waxa kale oo qalabayntan ku jirra 120 baabuur oo gaashaaman oo noocuudu yahay VBL kuwaasoo ah baabuurta adeegasta tegnoolajiyadda casriga ah ee falaadhaha laysarka , 45 markab oo ah nooca waawayn ee looyaqaano Fregrites ,120 kun oo ah qoryaha darandooriga u dhaca oo casri ah iyo waliba diyaaradaha casriga ah ee dagaalka oo ay wada samaysanayaan wadamada Spain , Jermany iyo France .

Dhinaca kale , wadanka Masar ayaa ka dalbaday Talyaanigga laba markab oo waawayn oo ah nooca loo yaqaano Frigrates , kuwaasoo uu ku xoojinayso cududeeda ciidanka badda .

Si kastaba ha ahaatee , wararka ugu badan ee aduunka ka socdaa waa wararka ku saabsan soo saarista hubka cusub , heshiisyadda hubka iyo tartanka hubka, aduunyaddana waxaa ka socda diyaar garow balaadhan oo lagaga gaashaamanayo dagaalka qabow ee socda , xaajaduna waxay maraysaa , Ninba taagtii ha talaabsaddo .