Siyaasiyiinta Madasha Oo Dalbanaya In Ururada Siyaasada La Furo Iyo Codsi Ay U Direen Kornayl Biixi
Hargeysa(HWN):-Siyaasiyiinta Ku bahoobay Madasha Wadatashiga ayaa u soo jeediyey Madaxweynaha Somaliland Mudane Muuse Biixi Cabdi inuu furo Urruradii Siyaasadda marka la gaadho wakhtigii sharcigu dhigayey in dib loo furo oo ku beegan sannadka 2022-ka.
Furista Urruradda Siyaasadda oo uu xeerka Ururrada iyo Asxaabtu dhigayo in 10-kii sannoba hal mar la furo, ayaa waxa 10 sanno ka soo bilaabmayeen 2012-kii, iyada oo ku eeg 2020, balse weli ma muuqato ifafaale muujinaya in la furayo Urrurradaasi, madaama oo la qorsheeyey Doorashooyinka Goleyaasha Deegaanka iyo Wakiillada sannadka soo socda ee 2021-ka.
Saddexda Xisbi Qaranka ee Kulmiye, Waddani Iyo UCID, ayaa u muuqda kuwa ka cagi jiidaya oo aan danaynayn furista Urruradda Siyaasadda, taas oo ay u arkaa in ay halis ku tahay jiritaankooda Xisbinimo.