Masar oo Caddeysay inay Baan ka Furanayso Soomaaliya
Ra’iisul-wasaaraha Masar ayaa qaabilay Wasiirka Arrimaha Dibadda Soomaaliya Axmed Ciise Cawad oo booqasho ku jooga Qaahira, waxaana kulankaas ka soo qaybgalay danjiraha Soomaaliya u fadhiya Masar.
Mostafa Madbouli Ra’iisul-wasaaraha Masar ayaa
sheegay inay kaalintooda ka qaadanayaan qorsheyaasha lagu horumarinayo laguna
xasilinayo Soomaaliya
Waxa kaloo uu intaas ku daray in dawladiisu ay diyaar u tahay inay ka caawiso Soomaaliya dhinacyada Tababarrada iyo deeqaha waxbarasho, si loo saacido muwaadiniinta Soomaaliya ee doonaya inay dalkooda wax u qabtaan.
Ra’iisul-wasaaraha Masar wuxuu tilmaamay si loo
xoojiyo iskaashiga dhaqaalaha ee ay la leeyihiin Soomaaliya ay Baanka . Banque
Misr laga furi doono Soomaaliya.
Wasiirka Arrimaha Dibadda Soomaaliya Axmed Ciise Cawad ayaa sheegay in xidhiidh soo jireen ahi ka dhexeeyo Masar iyo Soomaaliya. Waxa kaloo uu intaas ku daray in dawladda Soomaaliya ahmiyad weyn siinayso inay xoojiso iskaashiga ay la leedahay Masar.
Hadhwanaagnews