'' La Soco Aduunka , Madaarka Berbera Oo Noqonaya Ka Ugu Casrisan Afrika''.
Sidda uu qoray
websaydka East African bussiness week
(EABW) News cadadkiisii maanta , madaarka Magaaladda Berbera ayaa dhamaaday ,
waxaana loo magacaabay maareeye cusub oo magaciisa la yidhaahdo Dritan
Gjonbalaj , kaasoo ah khabiir u dhashay wadanka Kosavo .
Websaydka oo waraysi la yeeshey Mr Dritan Gjonbalaj ayaa kasoo xigtay '' Madaarku hadeer wuu dhamaaday , waxaanu noqonayaa mid ka mida madaaradda ugu adeega wanaagsan qaaradda waa Afrikee ''.
Dhinaca kale Dritan Gjonbalaj wuxuu intaa kusii daray in ay madaarka ka hawl-geli doonaan dhalinyaro xoog loo tababaray oo reer somaliland ah oo ay caawinayaan khabiiro shisheeye iyo waliba hanti dhawro caalamiya , ujeedadooduna tahay in dhismaha , dayactirka , nabad-gelyadda iyo adeegu noqdaan kuwo buuxiya heerarka iyo shuruudaha ku qeexan cahdigga caalamiga ah ee madaaradda civilka ah ee Chicago convention .
Madaarka Berbera oo
dhinaca ku haya dekedda caalamiga ah ee berbera oo ay dhisayso shirkadda
Dp-world , wadada berbera corridor ee Ethopia iyo Somalilland ayaa filaya
dhismaha suuqa xorta ah ee Berbera Free zone oo dhismihiisu qorshaysan yahay ,
kaasoo dhismihiisu ku kacayo malaayiin doolar .
Madaarka Berbera
waxaa markii ugu horaysay dhisay midowgii soofiyeeti , waxaanu ahaa dhererka
dhabaha diyaaraduhu ka haadaan ee madaarku 4km , kaasoo ahaa ka ugu dheer
qaaradda Afrika , waxa kale oo 80 kii dib u dhisay ku samaysay haayadda hawadda
ee Maraykanka ( NASA) , Waxaanu ahaa madaar ay ka haadaan dayax-gacmeedyaddu oo
ay gacanta ku hayso NASA , hadeerna waxaa dib udhis iyo balaadhin ku sameysay
dawladda imaaraadka carabta .
Dhismaha madaarkan iyo hawl-gelintiisu waxay noqon doontaa mid door muuqata ku yeelata isu gudubka dadka iyo alaabooyinka u kala gooshaya qaaradaha Afrika , Eeshiya iyo Yurub iyadoo ay caawinayso bogcadda uu ku yaalo oo ah bogcad Istraaji ah awgeed.
Si kastaba ha ahaatee , Berberi waa wadnaha iyo hal-bawlaha Somaliland , hadbana waxay Somaliland muuqaalkeedu ku xidhan yahay sidda uu noqdo muuqaalka Berberi .
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!