Golaha Wakiillada Somaliland Oo Dood Ka Yeeshay Xeerar Xukuumaddu U Soo Gudbisay
Golaha Wakiillada Somaliland Oo Dood Ka Yeeshay Xeerar Xukuumaddu U Soo Gudbisay
Hargeisa(HWN):-Golaha Wakiillada Somaliland ayaa dood ka yeeshay qaabka loo kala horraysiinnaayo Xeerarka uu u soo gudbiyay Muuse Biixi Cabdi.
Xildhibaan Cumar Axmed Sanweyne oo ah guddoomiyaha guddiga dhaqaalaha ee Wakiillada Somaliland, ayaa mudaneyaasha u akhriyay Xeerka aagga Cashuuraha ka caaggan.
"Xeerka cusubi waa Xeerka aagga Cashuuraha ka caaggan, shirguddoonkanna waxaannu isla garanay in la soo horraysiiyo Xeerkan oo Xildhibaannadu ka dooddaan" Sidaa waxa yidhi Xildhibaan Cumar Axmed Sanweyne oo ah guddoomiyaha guddiga dhaqaalaha ee Wakiillada Somaliland.
Hase-yeeshee, Xildhibaannadu waxay dood ka keenneen Saddexdan Xeer ee isbarkan, waxaannay qaarkood soo jeeddiyeen in la keenno Xeerka Dekeddaha.
"Waxaad sheegtay in Xeerarkan ay muhiim yihiin, waanan kula qabaa inay muhiim yihiin Xeerarkani, ahmiyaddaas ay leeyihiin iyo middi roortaytunna isma qabato, haddii meesha deg-deg soo galanna surbo seegtooyin baa dhici karra, markaa in laga bogto, oo si wanaagsan loo darso oo talo wanaagsani meesha ka soo baxdo ayaa lagama maarmaan ah." Ayuu yidhi Xildhibaan Xuseen Axmed Caydiid
Guddoomiye ku-xigeenka 1aad ee golaha Wakiillada Somaliland Axmed Yaasiin Sheekh Cali Ayaanle ayaa mudaneyaasha u sheegay in maalinta beriya la bilaabi doonno Doodda ku saabsan Xeerka aagga Cashuuraha ka caaggan.
"Waxaynu isla darreensannahay in Hay'adda Dekedduhu yeelato Xeer, aagga cashuuraha ka caaggana uu yeesho Xeer. Sidoo kalena Shirkaddaha Free Zone-kaas isticmaallayaanna ay Xeer yeeshaan, markaa Wakhtiga oo inna haya iyo baahidda loo qabo, markaa Mudaneyaal Wakhti badana geliya, wixii aan qarankan dan u lahayna ka tuurtaan, wixii aad dan u aragtaan ku dartaan, wixii ay idinla noqotanna dooddiina ku dhiibataan waa awooddiina oo Sharciga golaha ayaa idin fasaxaaya intaas ba." Ayuu yidhi Guddoomiye Axmed Yaasiin Sheekh Cali Ayaanle.
Loading...
Loading...