Maxaa Naga Haysta Dalkayaga.
W/Q: Bashiir Tarabbi Oogle
Walaalkay Marxuun Xildhibaan Aadan Tarabbi Oogle wuxuu ka mid ahaa aas
aasayaashii Nabada ee Soomaalilaan, nabaddan keentay horumarka iyo
degenaanshaha.
Caruurtiisu waxay badiba Ku dhasheen Muqdisho, markii dhimbishii SNM
siraaday dagaalkii Soomaaliya, inyar ka hor ayaa caruurtiisu, qaarkood
waddamada galbeedka galeen, iyaga oo lahjaddoodu tahay Soomaaliya,
haddana waxay Ku xabeebsan jireen difaaca Somalilaan.
Waxa jirta in Inantiisa curad, Marwo Ayaan Aadan Tarabbi, dhul lacag
qaali ah Ku jooga ay ka iibsatey Burco, markay gunaanadkii
Dhismaha iyo dul ka saarkii marayso, in nimankii dhisayey lagu yidhi,
sharci ma aha in aad halkan dhistaan, waxaa mari doonta waddo. Iyada oo
waddo marto aqalka hortiisa iyo dhinaciisaba. Waxaa jirta in Duqa
magaaladu, shiikh Muraad dhiilada warkani gaadhey.
Waxaan halkan idiinku soo lifaaqay sawir muujinaya in gaydhka guriga
uu ka dambeeyo ciidda tuuran, sekedina la siman tahay ciidda. Dooni
meyno wax sharci darro ah, waana in la xaqiiqsadaa in maalgashigu dalka
iyo dadka wax weyn kusoo kordhinayo. Dawlad sare iyo mid hooseba waa in
la dhiiri geliyaa.
Isweydiintu waxa weeye _ maxaa markii hore dowlada hoose u ogolaatay
in dhulkaa inta la kala iibsado, weliba loo Kala wareejiyo?_ maxaa
xiligii la dhamaynayey guriga loogu soo beegay amarka joojinta
dhismaha?.
Xigmad baa tidhaahda; labo ayaa ku sheega- dulqaadkaaga marka aad
faro madhan tahay iyo dhaqankaaga marka Illaah kuu xantoobiyo.
Carruuraha la dhacay, Awliyada laga cadhaysiiyey, Carshigaaba laga
soo aqbalay, Cabashadoodiiye, Caawaa la kala soocayaa, Caabud iyo gaale,
Cisho aan fogeyn waxa is bedeli, Ciidan faro weyne, Caaddaa rag koray
buu nabsigu hoos u soo celinne, Caanuhu dhowaan way ka quban, Ciidan
faro weyne._Abwaan Qaasim.
Bashiir Tarabbi Oogle,
Burco, Soomaalilaan.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...