Hargeysaay Ciil Ha Mudan!
Hargesaay ciil ha mudan waa hees uu hal-abuuray Xigmaawiga Hal-abuurnimadda Xasan Dhuxul Laabsaalax, waxaanna codkeeda ku qaada Boqorada Codka Farxiya Axmed Caddaawe (Farxiya Fiska), waxay heestani ka hadlaysaa oo iftiiminaysaa Taariikhda qaniga ee ay Hargeysa hantida u leedahay. Dhinacyada Fanka, jawiga aan qaboobayn ee aan kululayn oo Ruuxa Niyaddiisa iyo Qalbigiisa rabitaanka u ah, iyo haldoornimada.
Maxaan Caradii Gobtiyo
Curaddii dhaqankiyo Fankaay
Maxaan kuu Calool-samaa
Waliba ka jeclaa Cindiga
Inaan Cagta soo dhigoo
Carfiga Laydhaada wacan
Inaan ku Caweeyo rabay
Cashiiro Dadkaan ahayn
Dadkuu Cadku iigu yaal
Dadkaan kolba Cayn ahayn
Calool iyo Uur Fayow
Warkooduna uu Cadyahay
Caraddii lagu beerayeey
Hargaysaay Ciil ha mudan
Afrika Cidhifkeeda bari
Cad-ceedda ka soo baxdee
Adduunka ka caan baxdaay
Rugtii Cilmigiyo hiddaha
Tugtii Diintiyo cisiga
Rugtii Curashada Xornimo
Calanka u sidaad tahee
Lahaw Cudud iyo awood
Casiis baan kuu baryee
Nbada Ceelkeeda noqo.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!