Hargeysa(HWN):-Xukuumada somaliland ayaa dad gaadhaya sideed qof u xidhay hawl gal ay ciidamada amaanku ka sameeyeen deegaanka laga hirgelinayo madaxtooyada cusub.

Sida ay sheegayaan warar laga helay dadka loo xidhay inay ka horyimaadeen amar lagaga raray dhulka la dhisayo madaxtooyada cusub ayaa waxa ka mid ah Inan(Gabadh) uu dhalay wasiirka wasaarada warfaafinta dhaqanka iyo wacyi gelinta somaliland Maxamed Muuse Diiriye.

Warar soo gaadhay Hadhwanaagnews ayaa xaqiijiyey in Nasiim Maxamed Muuse oo uu dhalay wasiirka warfaafinta somaliland isla markaana ka mid ah shaqaalaha ka hawl gala wasaarada Warfaafintu ay ka mid noqotay dadka ay ciidanku xidheen, iyada oo la sheegay in qaar ka mid ah eheladeeda oo goobta deganaa ay u tagtay.

Wasiirka warfaafinta somaliland Maxamed Muuse Diiriye oo qayb ka mid ah eheladiisu ay ku doodayaan dhulka ay xukuumadu doonayso in laga hirgelinayo madaxtooyada cusub ayaan ilaa hada ka hadal talaabada xukuumadu ay xabsiga ku dhigtay dadka ay inantiisu ku jirto.

Hadhwanaagnews.com/Office

Hargeysa/Somaliland