Boorama (HWN) Hal qof ayaa ku dhaawacmay rabshado ka dhashay Ugaaska Beelaha Gadabuursi oo maanta loo diiday inuu soo galo gudaha gobolka Awdal.

Rabshadahan ayaa ka dhacay xaafadaha xiga cidhifka koonfureed ee Boorama, kadib markii ay koox dhalinyaro gadoodsani taayiro gubtay, kuna dhawaaqeen hadalo ka dhan ah Somaliland.

Jawaabta ciidamada amniga ayaa noqotay xabad ay ku kala kaxeeyeen dhalinyaradii mudaharaadaysay, oo ku dhacday mid ka mid ah dhalinyaradaas oo magaciisa lagu sheegay Cabdiraxmaan Maxamed Barkhad oo markii dambe la keenay cisbitaalka Boorama.

Xaalka Boorama ayaa iska cakiran wax uu dhali doonana aan la garanayn ilaa hadana Ugaas Cabdirashiid waa laga hor joogsaday inuu xadka gorayacawl ka soo talaabo.

Maxamed Bili Bili

Hadhwanaagnews/ Boorama