Dalka Ma Ka Dhici Kartaa Laba Doorasho Oo Isku Sidkan?.
W/Q: Mukhtaar Maxamed Muuse (Dawlad).
Waxa jira
caqabado fara badan oo ku gedaaman kuna xayn-daaban qabsoomida
doorashooyinka isku sidkan ee ay dhawaan ku heshiiyeen sadexda xisbi
qaran in ay dalka ka dhacdo. Labadaa doorasho oo kala ah: doorashada
golaha Wakiilada iyo midda golaha deegaanka.
Waxa aan aaminsan nahay in ay doorashadan tahay middii ugu adkayd abid
ee ina soo marta. Waayo waxa ay kusoo beegan tay waqti kakan oo aad iyo
aad u qalafsan, oo aanu dalku wali kasoo kaban kala aragti fogaanshihii
doorashadii hore ee madaxwaynaha ee 2017 kii. Taas oo dalka iyo dadkaba
ku reebtay diif iyo diihaal, aan wali helin dhaymo iyo dhaqid
dawladnimo.
Haddaba haddii aan la galin feker qoto dheer iyo dedaal dheeri ah oo
ay ku ladhan tahay dulqaad iyo daacad-nimo: waxa meesha iman doonta
khilaafaad iyo is qabqabsi dadwayne. Kaas oo ay abuuri karto nidaam laba
doorasho oo isku sidkan oo aan hore dalka uga dhicin, aqoon iyo waayo
aragnimo Wayna aan loo lahayn in hal mar la wada qabto laba doorasho oo
muhiimad gaar ah iyo taxadir dheeri ah inooga baahan.
Waxa aan la aragti ahay saaxiibkay Mubaarak Cabdi Ismaaciil, oo wax ka
Qoray nidaamka labada doorasho ee isku sidkan ee Somaliland ka dhici
doonta, haddii alle inoo suurtagaliyo'e. Si kastaba ha ahaatee waxa
muhiim inoo wada ah in dalka ay doorasho ka qabsoonto, gaar ahaana
goleyaasha sharciga iyo dhammaan ba matalayaasha kala duwan ee shacabka
Somaliland, si ay shacabku u helaan dadkii ku haboonaa adeeg bixinta
dawladnimo.
Sidoo kalena waxa baahi wayn loo qabaa in dalka dhiig cusub lagu
shubo, isla markaana la raac-deeyo dadkii ku haboonaa matalaadda
shacabka iyo adeeg-siintooda. Si loogu sibir saaro dadka aan u qalmin
goleyaasha dalka ee u tafaxaydan kursi aanu cilmigiisa iyo aqoontiisa
toona lahayn. Si aynu meesha uga saarno dadka wax ma garatada ah ee usoo
shaqo tagay matalaadda shacabka iyo adeeg bixinta ay xaqa u leeyihiin.
W/Q: Mukhtaar Maxamed Muuse (Dawlad).
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...