Hargeysa(HWN):-Golaha wakiilada somaliland ayaa maanta ansixiyey xeerka kufsiga oo ay mudooyinkii ugu dambeeyey ka doodayeen.

Fadhiga maanta ee golaha wakiilada somaliland ayaa yey xildhibaanadu ku meelmariyeen xeerka kufsiga oo mudo badan golahaasi horyaalay kuwaas oo cod aqlabiyad ah ku meel mariyey.

Dood dheer oo xildhibaanadu yeesheen ka dib gudoomiyaha golaha wakiilada Baashe Maxamed Faarax oo gudoominayey fadhiga ayaa qodob kasta oo ka mid ah xeerka kufsiga u cod u qaaday kuwaas oo xildhibaanada golahaasi aqlabiyad ku ansixiyeen.

Qodobada ugu culus ee ku jira xeerka kufsiga ee la ansixiyey ayaa waxa ka mid ah

Qodobka 5aad oo ka hadlaya kufsi wadareedka

Qodobka 6aad oo ka hadlaya fal dambiyeedyada khaniisnimada

Qodobka 7aad oo ka hadlaya ku tagri fal cid ama masuuliyad

Qodobka 8aad oo ka hadlaya ku fadeexadayn galmo qasab ah

Qodobka 9aad oo ka hadlaya xad gudubyada la xidhiidha sinada iyo kufsiga

Qodobka 10aad oo la xidhiidha ku qasbida galmada qof kale iyo ka ganacsiga galmada

Qodobka 11aad oo ka hadlayafarafaraynta galmada la xidhiidha

Qodobka 12aad oo ka hadlaya guur qasab ah

Qodobka 13aad oo ka hadlay u maandoorin galmo

Qodobka 14aad oo ka hadlaya u sixid ujeedo galmo

Qodobka 15aad oo ka hadlay galmo iyo xadhig sharci daro ah

Qodobka 16aad oo ka hadlaya isqaawin anshax daro ah

Qodobka 17aad oo ka hadlaya duubita, qaybinta, iyo baahinta muuqaalo xidhiidh la leh galmo ama sawiro qaawan.