18 / 8 / 2020  

Maansada.  Gabaabsi  

MAANSADA  GABAABSI  

Gobta maal mahoodii aya  

sii gabaabsiya he  

gurrac iyo maroorbaa ka jira  

gebi adduun kaase  

waa guud mar xaajaba dhammaan  

aan la garanayne  

waa wada gantaal iyo sun iyo  

geeridaa wadhane  

ubad gawrac gidaar lagu dunshiyo  

waa is garan waaye  

.  

Guul galbay usii wada yihiin  

Gaala camalkeede  

Garawsade carabina yuhuud  

Way gelbina yaane  

Gurigii ilaahay ayaa  

 saynle Gaar diyaye  

qudusbaa go,doon kaa ahiyo  

goobihii mudane  

gun nimaa la wada aaminoo  

gaabis kaa dhalaye  

gidaarbaa nin ragi yuururaa oo jifada  

ugu garaa caaye  

meel kastaba gafana nuuga yaa  

calanki guud yaale  

.  

Maskaxdooda geestii cuntada  

Oo qudhaa garan ( shaqaysa )  

Geesh yaroo wuxuun booba iyo  

Guro ku saaxiiba  

Gardarada isugu hiiliyaa  

Teenna gaar u ahe  

Gadhwadeen ka faashila ayaa  

Guulwadayn jecele  

Ma ahayn khasaarii la galay  

Ee naf iyo gawsa  

In gadaal ku wani ay dhaxlaan  

Gaajo wada hayso  

.  

Gurgur shaa hayina bay ahayd  

Inan ku guuraaye  

Mid garbuhu daloolaan ayaan  

 saarray gibishiiye  

saw inay  go,doon too cidlada  

haad ku gigo maaha  

gubad kaa inay noqoto iyo  

gegi bannaan kaasa  

oon cidiba kuu soo gelayn  

saw gar noqon mayso  

.  

Ictiraaf inuu sii galbado  

Saw gar noqon mayso  

Gu da,aaba inuu kaa fog yahay  

Saw gar noqon mayso  

Kol haddaan garaad iyo aqoon  

Cdiba geynaynin  

Ku galgalo inay xaajo noqon  

Saw la garnmaayo  

Guuleed liibaan  snm [email protected]