Korodhso Aqoontaada:

0
Thursday August 13, 2020 - 09:33:52 in Articles by Hadhwanaag News
  • Visits: 921
  • (Rating 0.0/5 Stars) Total Votes: 0
  • 0 0
  • Share via Social Media

    Korodhso Aqoontaada:

    W/Q: Cabdullaahi Maxamed Cumar

    Share on Twitter Share on facebook Share on Digg Share on Stumbleupon Share on Delicious Share on Google Plus

W/Q: Cabdullaahi Maxamed Cumar


Nabad akhristayaal.

Sida aynnu inteenna badani wada naqaanno, xuruufta afka Soomaaligu waxay ka kooban yihiin laba iyo soddon xaraf - waxaynnu u jeednaa inta si rasmi ah la isugu raacsan yahay ee lagu shaqeeyo (functional letters) amaba wax lagu qoro .



Laba iyo soddonkaasi xarafna, waxay u sii qaybsamaan saddex qaybood oo kala ah:


  1. Kow iyo labaatan shibbane (consonants)
  2. Toban shaqal (vowels) oo iyaguna u sii kala kala baxa, shan dhaadheer iyo shan gaagaaban
  3. Iyo calaamadda loo yaqaanno, hamse (apostrophe).
    Haddaba, inta ogaalkay ah; ma jirto weedh (sentence) af Soomaali ah oo macna buuxa leh oo soo koobaysa xuruuftaasi oo dhammaystirani!

Arrintaasina waxay ku kaliftey qoraaga, in uu raadiyo weedh af Soomaali ah oo soo koobeysa laba iyo soddonkaasi xaraf ee lagu shaqeeyo - Ilaahay mahaddiina wuu ku guuleystey- waana tan hoosta ku qoran weedhaasi oo dhammaystirani!


Sheekh Sharma'arke ayaa intuu go' shaal ah iyo shaadh cad qaatay oo u macawis Jaawa ah jilbaha dhigay, xarrago awgeed is xariifiyey!


Waxa haddaba isweydiin mudan, maxay weedhani ku soo kordhineysaa afkeenna hooyo ama ay faa'deyneysaa!


Waxyaabaha aynnu ka dheefi karno weedhan, waxa ka mid ah:

  • Barashada tirada xuruufta afkeenna iyo inta qaybood ee ay xuruuftaasi u sii kala baxdo

  • Ururin ama soo koobid ay weedhu u soo koobeyso qofka doonaya, in uu xuruufta afkeenna u barto si hawl yar

  • Far barashada da' yarta soo koreysa iyo xasuustooda xuruufta afkeenna ayay iyagana waxtar u leedahay.


Illaa iyo inta aynnu aqoon korodhsi ama maqaal xiisa leh ku kulmi doonno - Eebbe idamkii- isma dhaafno.


Akhriste, adiga oo mahadsan; wixii faallo ah iigu soo dir (Email)kan hoosta ku qoran.

Cabdullaahi Maxamed Cumar

Email: [email protected]
AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!


Loading...
Loading...