SOMPOWER MA AHEE,

SUMBO POWER WEEYAAN.

  BISMILAAHI ALRAXMAAN ALRAXIIM (ASCWRWB).

SALAAN KADIB WAXAN MID KHAAS AH U SOO DIRAYAA,

BAHDA HADHWANAAGNEWS IYO AKHRISTAYAASHEEDA

1-SALAAN DHEER KA FUULA,SOO DAADEGBA XIGI,

SABAALIYO T SAALE,SIDAN KA DAA DADKAGA,

SULUXIYO HESHIIS DIID,SALDHIG YEELAN MAYO,

SOONA SIIBAN DOONEE,SUGA WAA DHARAARE.

2-SOO BAXBA LA LEEYO,IYANA SACABKA LEEFANE,

   SAMIRKII DADWEYNU,SEETADA GOOSAN DOONE,

   SAAKAYNU WACANE,SIXIRKA ,MAYDIN JEBISAAN,

   SALUUGII FOGAYOO,MAGACAN AYDIN SIDATAAN,

3-SIR KALAA KA DABA TIMI,SOMPOWER MA AHEE,

   SUNBO POWER WEEYAN,SIMBALIYO WAX LIITIYE,

   SUUDH LAYSKU GIIJIYO,TAY QOORTA SUDHATAN,

   SARE MADAX LA TAAGA,SEERAFYADA LA FUSHAN.

4-SAAKA NOOMA KOOWO,WAA SOMALILAAN TANI,

   SACIIMKII GABOOBEE,SALDHIGYADII BILEYSKIYO ,

   SARAHEENI QARANKIYO,SOOJIREENKI XARAASHE,

   DHAMAANTOOD SAXEEXA,SABABTA LAHAAYUUN.

5-SAAMAXNAYE ALLAHAYOW,AAKHIRO SIDA U ROON,

   SAAJAC WEEYE QARANO,MUDUU NOO SARDHANAYO,

   HURDO SEEXAN WAAYO,DANAHIIS U SAYDHAYUU,

   SIGTAYUU KA NABADGALAY,JANADII ALLOOW SII.

6-MADAXDA U SARASE,SHACABKU UU SONTADAYOOW,

   SUNBO POWER BAADHO,SIIYA WAXA AY LEEDAHAY,

   SUMCADII QARAN XUMAYSE,SAABANKI KEEN DHAHA,

  WAXAY QARANKU SIIYEEN,LAYDHKA SAYLADANA FURA.

                 ISMAIL ABDILLAHI  HANDULEH.