Tartanka xiisaha badan ee Champion League ayaa maraya meel aad u xiiso badan iyada oo dhawr kooxood ay ilaa hada xaqiijiyeen inay u soo baxeen wareega afar dhamaadka.

Kooxda Barcelona ee dalka Spain ayaa tartanka ka saartay isla markaana reebtay Manchester United oo ay guul ka gaadhay labadii kulan ee yeesheen, iyada oo Barcelona ay lugtii labaad oo ay soo dhawaysay United kaga talaabsatay sadex gool iyo waxba, halka kooxda Ajax ee dalka Holand ay tartanka ka cidhibtirtay kooxda reer talyaani ee Juventus oo lugtii labaad ku hadhay garoonkeeda.

Dhinaca kale kooxda Tottenham ee dalka Ingiriiska ayaa tartanka Champion League ka saartay Man City oo ay lugtii hore guul hal gool iyo waxba ah kaga gaadhay garoonkeeda halka kulankii labaadna ay ku kala baxeen sadex gool oo ay Spurs la timid iyo afar gool oo ay keensatay Man City balse goolasha lagaga dhaliyey garoonkeeda oo badnaa ayaa keenay inay hadho.

Sidoo kale kooxda Liverpool ayaa iyaduna u soo baxday wareega afar dhamaadka ka dib markii ay labadii kulanba si fudud uga talaabsatay kooxda Porto ee dalka boortaqiiska iyada oo kulankii hore kaga talaabsatay laba gool iyo waxba halka kulankii labaad oo ka dhacay Anfield-na kaga badisay afar gool iyo hal.

Afarta kooxood ee kala ah Barcelona, Ajax, Tottenham iyo Liverpool ayaana isku arkaya wareega afar dhamaadka, iyada Barcelona wajahaysa Tottenham halka Ajax iyo Liverpoolna ay iska hor iman doonaan.