Wasiirka arrimaha debedda ee wadanka Iran Mahamed Javad zarif ayaa bishii july horaanteedii ku dhawaaqay in ay heshiis istaraaji ah oo mudo dheer soconaya ay wada galeen wadanka shiinaha .

Dhawr maalmood ka dib dawladda Hindiya ayaa sheegtay in ay joojisay dhismaha waddo tareen oo isku xidhi lahayd Hindiya iyo Iran oo mari lahaa Af-qaanistaan kharashka ku bixi lahaana laggu qiyaasay hal bilyan iyo lix boqol oo malyuun oo doolar .

Hindiya iyo Iran oo ahaa saaxiibo isku wacan muddo dheer soo waday qorshayaal horumarineed ayaa xidhiidhkoodu is badalay markii Hindiya u janjeedhsatay dhinaca Maraykanka iyo Israel isla markaana ay joojisay shiidaalkii ay ka iibsan jirtay Iran culayska marayka awgii .

Hadaba Iran iyadoo ka faaidaysanaysa khilaafka sii xoogaysanaya ee Shiinaha iyo Maraykanka iyo xurguf xuduudeedka buuraha Himlaaaya ku dhex maraysa Hindiya iyo shiinaha ayay u wareegtay shiinaha oo ay la gashay heshiiskan taariikhiga ah .

Heshiiskan ayaa ku kacaya lacag dhan 400 boqol oo bilyan oo doolar oo la gelinayo dhinacyada baananka , gaadiidka iyo horumarinta Iran , halka shiinunuhuna muddo 25 sanadood ah ayuu ka qaadanayaa saliid .

Dhinaca kale shiinaha ayaa maal gelinaya dekedo badan oo ku yaala Iran , dekedadahaas oo ay ka mid tahay dekedda

Bandar-e-Jask port oo ku soo jeeda marinka Hormoos , taasoo ka dhigaysa in shiinuhu hantiyey marin ka mida 7 marin ee ugu muhuumsan marinada badaha Aduunka .

Sidoo kale shinuhu wuxuu joogaa Djabouti , Badwaynta hindiya iyo dekedda Gawdar ee pakistan , waxaanu galaangal badan ku leeyahay Afqaanistaan , sidaa darteed waxaa muuqata in shiinuhu isagoo raacaya qorshaha madaxwaynaha XI ee loo yaqaano Belt and Road Intiative ( BRI ) uu tartan xoogle kula geliyo maraykanka gobolada bariga dhexe iyo koonfurta eeshiya .

Geesta kale Hindiya waxay u leexatay qorshaha Isreal hogaaminayso ee loo bixiyey Trans-Arebian corridor (TAP), kaasoo ay ku jiraan wadamadda carbeed ee ay is hayaan Iran , waxaana muuqata in furdadaha pakistan iyo Iran ee shiinuhu qabsaday ka saarayaan Hinidya suuqii eeshiyada dhexe .

Si kastaba ha ahaatee , Aduunka imika ciyaarahaa loo yaqaano Geo-politics ayaa si xawli ah uga socda , dawladda muuse biixina waxay u baahantahay in ay soo uruursato khubaradii ciyaarahan xeerarkeeda taqaanay si aanay ugu hafanin hirarka iyo mawjadaha badaha ee is garaacaya .