'' Umadayda Niyad Jebin Maayo ''.
Sanadkii 2000 waxaa ka bilaabmay magaaladda Carta ee Wadanka Djabouti shir siyaasadeed oo la doonayay in dawlad loogu dhiso Somaliya , shirkaas oo xoog loo abaabulay , aadna looga shaqeeyey in madaxda dhaqanka , abwaanadda , siyaasiyiinta iyo guud ahaan dadka caanka ihi ka qayb galaan .
Maalmihii shirkaasi socday , waxaa somaliland soo foodsaaray culays wayn oo kaga yimi shirkaas , xiligaas oo Somaliland awoodeedu iska koobnayd , miisaaniyadeeda dhamini iska ahayd 20 malyuun , ciidanka booliska oo dhamina lahaa 7 baabuur oo keliya oo kal jooga lixda gobol .
Hadaba waagaas waxaa soo baxday warar sheegaya in Abwaan Hadraawi oo jooga wadanka Ingiriisku tagayo shirka Carta arrintaasoo aad loogu sheekaysan jirey maalmo , hadaba iyadoo arrimuhu halkaas marayaan ayaa Hadrwaawi waxaa waraysi la yeeshay waragayska Jamhuuriya , Abwaanka oo la waydiiyey suaal ku saabsanayd in uu shirkaa tagayana wuxuu yidhi '' Anigu dadkayga niyad jebin maayo , oo la odhan maayo Hadraawi ayaa tagay shirkaas si dadkaygu u niyad jabaan ''.
Kalmadahaas hadraawi waxay igu yeesheen saamayn balaadhan ilaa waagaasna wadadaa Hadraawi ayuun baan hayaa , waligay dadka ma niyad jebin doono .
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!