Wada-hadalada Somaliland Iyo Somaliya!!
Somaliland iyo somaliya madaaama aan la kala maarmin aayaha somaalinimo wax badan ku xiran yihiin, dano la wadaagaana jiraaan, waa in dawlad ahaan iyo dad ahaanba lala yeeshaa dood-wadaag ku dhisan is-qancin, gorgortan iyo isu caqli-celin joogtaysan, kuwaas oo loo maro wadooyin kala duwan wada-hadallo dublumaasiyadeed, dhambaalo warfaafineed, diraasado cilmiyeed, wada- xiriir iyo kulano toos u dhexmara labada shacbi oo ay matalayaan ururada bulshada rayidka ah, waxgaradka iyo xarumaha aqoon-faafinta.
Wada- xariirradaas oo dhan wa in ay noqdaan kuwo ku dhisan niyad- wanaag iyo is-faham-doon lagu badalo kuwo is-hadal haynta imminka labada dhinacba ugu jirta hab ka dab- qaadanaya jawi colaadeed ama is- sharaysi iyo is- xamasho lagu sii kala fogaado.
Shirarkii ugu dambeeyay ee jabuuti maxaa kasoo baxay!!
Markii Muuse Biixi qudbaddii u horraysay ka jeediyay shirkii Jabuuti ka dhacay 14. 06. 2020, waxaa la bilaabay olole lagu taageeraayo hadalka muse iyada oo lala xidhiidhaayo dhammaan dadka la is leeyahay bulshada ayay saamayn ku leeyihiin, hadday tahay siyaasi, abwaan, qoraa, ganacsade IWM ah, taas oo la doonayay in arrimahan qarsoon hadhow marka ay soo baxaan ay dadkaasi ku adkaato in ay degdeg u khilaafaan. Farriimaha ka soo baxaayay shirkaasi waxa ay ahaayeen kuwo muujinaaya in waftiga muse hoggaaminayaa ay yihiin qaar ku adag qarannimada iyo gooni isu-taagga Somaliland.
Waxa guusha iyo libta la mariyay dhanka Somaliland halka Soomaaliya iyada oo ujeeddadeedii gaadhay is dhul dhigtay. Waxa sidoo kale dawladda Jabuuti innoo meteshay in ay Somaliland xaggeeda u janjeedho iyaga oo war-murtiyeedkii (communique) u horraysay ee ay soo saareen Somaliland iyo Soomaaliya ku warqaddaa ku xusay laba dal (between the two countries). Waxa kale qorshaha ku jirtay in marka caadifadda dadka la kiciyo ee loogu eekaysiiyo guul-darro guul in Jabuuti soo saarto heshiiska dhabta ah oo ay ka daba keento.
Waxaase meesha ka muuqata in aan daaacad laga ahayn hishiiisyada ay wada galaan somaliya iyo somaliland, gaar ahaan xukuumada hada ka jirta somaliland waa mid aan runta ka sheegayn wada- hadalada ay markastaba so gasho, taasina somaliland waata dib udhigtay sanadadii ugu dambeeysay.
Xukuumadda somaliland hadda ka jirtaa waa in ay shacabka uwarantaa wax kastana ay debadda so dhigtaa, shacabkuna u ogaadaan xaqiiqooyinka iyo dhacdooyinka kajira wakhtigan adag somaliland.
فلتكنواقفةعليك.
W/Q:- Abubakar Muse Yasin Maxamed.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!