Waxa Aan Taaganahay Somaliland Habka Ay U Socoto Iyo Nidaamkeega Siyaasadeed Maaha Mid Soo Sida Horumar Iyo Hiigsi Fog
Oo Mustaqbalka Dambe Ku Wanaagsanado !!!
Waxa aad moodaa in qaab siyaasadeedka dalka iyo hab socodkii nidaamka
dimuqaradiga ah ee dalka in la majara habaabiyey oo seeska looga dhigay
qabiil , arinkani oo ah mid aan dalka iyo dadka Somaliland ee tacabka
badan soo gallay anfacayn , isla markaana qof kasta oo wadadaa u soo
mara kursigu ay ku adkaan doonto in qarankani horumar wanaagsan iyo hal
abuurnimo lagu xasuusto ka tago.
Bishii sadexaad ee sanadkii 2017 ayey ahayd xiligii aan maqaal ka
qorey san-saantii iyo hab dhaqankii ay siyaasada Somaliland waayadan
dambe u xuub siibatay oo ahaa nidaam qabyaalad qaawan ah waxaana uu
qoraalkaa cinwaankiisu ahaa ( Tartanka Reeraha iyo Talo xumaanta qarniga
21aad ) waad heli kartaa hadaad Google ka baadho.
Nidaamka siyaasadeed ee Somaliland u yaalla iyo qaabka loogu
shaqeeyaa waa kaaf iyo kala dheeri , habka siyaasada iyo qaabka ismaamul
ee Somaliland loogu talogalay waxa uu ahaa mid dimuqaradi ah oo aad u
wanaagsan, u sigib tiran is miisaamaya oo u baahnaa in laga shaqeysiiyo
oo aan la majaro habaabin waxii umada Somaliland isku ogeyd ee ay
qoratey.
Waxa aan is leeyahay nidaamkani la inama sii wadi karayo , dalkanina
uma baahna in loo kala abtiriyo oo la kala irdheeyo ee waxa uu rabaa in
la soo ururiyo oo aragti iyo mabaadii ay ku midoobaan si loo gaadho
horumar la taaban karo mustaqbalka dhow oo ay ugu muhiimsan tahay bal in
la isku dayo hab fekerka dadka iyo nidaamka qofka muwaadinka ahi u
xisaabtamayo in wax weyni iska badelaan , si loo badbaadiyo mustaqbalka
iyo jiilasheena dambe.
Sida ay taariikhdu xusayso hore soomaali waxa isugu dillay nidaamkii
dawladnimo oo qabiil iyo qabyaaladi dhex galeen isla markaana la qiimeyn
kari waayo saxa iyo qaladkii , taasi oo gayeysiisay umada soomaaliyeed
in la is aamini waayo waxna lawada qabsan kari waayo , iyada oo aan u
aaneynayo waliba xiligaa in la laalay shuruucdii iyo dastuurkii dalka ee
umadu dhigatay oo lagu badelay , xidha , amar qaado iyo dib u joogso ,
hadii aad kacaanka ka aragti duwanaato waxa aad tahay dib u socod.
Arimahani iyo qaar kale oo badani waxa ay ceel ku rideen mustaqbalkii
jiilal badan oo dadka soomaaliyeed u kacay xiligaasi , waxa laga
dhaxlay oo ilaa maanta la sixi kari laayahay fahamkii dawladnimo oo
qalooc galay , tusaale ahaan dalka Jamhuuriyada Somaliland waa dal
dimuqaradi ah dastuur iyo shuruuc leh , laguma dhaqmo dadka shacbigana
ma saacidaan inta badan , dawladuna waxa ay ka adeegsataa inta ay dadka
ku bajiso ee ay u aragto in uu iyada dan u yahay ama ay ku awood
sheegato.
Nidaamka dalka Jamhuuriyada Somaliland waxa la koray qalooc iyo
gabaaray dhiiga dadka iyo hantida dadka ku ilaashata masaaliixdooda iyo
mansabyada ay haystaan , waxaana dalka ka jira shabakado musuq ku ababay
oo reernimaduna u tahay gabaad oo u baahan u dedaal badan la galiyo
sidii loo hagaajin lahaa hab fekerkooga wax looga badeli lahaa loona
dareensiin lahaa in ay dalka iyagu leeyihiin isla markaana ay u tudhaan
mustaqbalka dambe iyo ubadkooga waxa ay uga tagayaan.
Aduunka wax adagi ma jiro , wax walba oo wanaagsan waa laga midho
dhalin karaa , waana aan aaminsanahay in Somaliland mustaqbal kan ka
wanaagsani u soo ifayo in uu qaadan doono ayuun baanan hada garaneyne
laakiin waa hubaal in aan sidan lagu soo jiri doonin.
Dadka Somaliland waxa ay ka ilbixi laayihiin in reerba reer lagu
jiheeyo , si waxii umadu wada lahayd inta la isku mashquulsan yahay shuf
looga siiyo oo uu meesha uga baxo isla xisaabtankii iyo wax
isweydiintii , laakiin waxa balan ah in aanaan ka aamusin ee dawanka
xaqa yeedhino marwalba, una diyaar garayno dadkayaga waxan dalka iyo
dadka ragaadka ka dhigey sidii looga bixi lahaa iyo qorshihii
siyaasadeed ee lagaga bixi lahaaba .
Isbadelada siyaasada ee wanaagsani kaliya akhriste waxa ay ku xidhan
yihiin in aad indhaha aad ku eegayso nidaamka dalku ay noqdaan qaar
wadaniyadeed , dadnimo , Alle ka cabsi iyo waliba adiga oo eegaya
mustaqbalka dambe ee dalku halka uu ku dambeyn doono marka aad ka qiyaas
qaadato maanta iyo sida uu dalka iyo dadkuba yihiin ee ay inaga maqan
tahay hilaadinta mustaqbalka dambe iyo in ayno yeelano himilo fog oo uu
dalkeenu noqdo mid aduunka oo dhan tusaale wanaagsan u noqda.
Waan gaadhi karnaa , haa waa run waan gaadhi karnaa halkaasi .
Hogaamiye Dhimbiil
Xisbiga Dadweynaha Somaliland
Tell: +252634429221
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...