Muuse Biixi Oo Wiil Uu Adeer U Yahay Oo Kooxda Heego Ka Tirsan U Magacaabay Safiirka Taiwan
Hargeysa(HWN):-Hogamiye Somaliland Md Muuse Biixi Cabdi ayaa wiil uu adeer u yahay isla markaana ka tirsan kooxda Heego u magacaabay safiirka somaliland u fadhiyi doona dalka Taiwan.
Sida ay sheegayaan wararka laga helayo madaxtooyada somaliland, Muuse Biixi ayaa wiil uu adeer u yahay oo lagu magacaabo Maxamed Xaaji waxa uu u magacaabay safiirka Somaliland u fadhiyi doona wadanka Tiawan oo dhawaan ay xukuumadiisa wada gaadheen heshiis ay ku abuurayaan xidhiidh diblomaasiyadeed oo u dhaxayn doona.
Safiirkan cusub ee Muuse Biixi u magacaabay Taiwan ayaa dhanka kale ka mid ah kooxda Heego ee awooda ku dhex leh xukuumadiisa isla markaana ay ku midaysan yihiin xubno qoyskiisa ka tirsan iyo kuwo ay isku beel yihiin.