Shirkadda Dahabshiil Oo Beenisay War Ay Baahisay Shirkadda World Remit
0
Friday July 03, 2020 - 15:36:18 in News by A. Asbaro
- Visits: 2547
-
- Share
Hargeisa(HWN):-Masuuliyiinta Shirkadda Dahabshiil Group ayaa beeniyay hadal masuuliyiinta shirkadda World Remit
Hargeisa(HWN):-Masuuliyiinta Shirkadda Dahabshiil Group ayaa beeniyay hadal masuuliyiinta shirkadda World Remit siiyeen saxaafadda oo nuxurkiisu ahaa in ay heshiis la galeen shirkadda Dahabshiil.
Fu’aad Axmed Nuux maamulaha guud ee hawlgalinta Shirkadda Dahabshiil ayaa sheegay in aanay waxba ka jirin heshiiska shirkaddu sheegtay
"Warka shirkadda World Remit sheegtay ee ku saabsan in lacagaha ay ka soo dirayaan dibadda laga qaadan karo xarumaha Dahabshiil Soomaaliya, haddii aanu nahay shirkadda Dahabshiil waxa aanu halkan ku caddaynaynaa in aanu jirin haba yaraatee wax heshiis ah oo dhexmaray shirkaddayada iyo shirkadda World Remit, islamarkaana waxaanu ogaysiinayna macaamiisha Soomaaliyeed ee warbixintaa khaldani gaadhay in aanay jirin wax lacag ah oo xarumahayaga laga bixinayo ama shirkaddaasi ku soo reebayso.”
Waxa uu Md Fu’aad intaasi raaciyay "Waxa aanu la socodsiinayna macaamiishayada iyo umadda Soomaaliyeed ba qofkii doonaya in uu dalkii hooyo lacag u soo diro ama meelaha Dahabshiil xarumaha ku leedahay in ay ka soo diri karaan Adduunka oo dhan ama meel kasta oo xarumaha Dahabshiil ka furan yihiin. Sida oo kale qofka doonaya in uu ka soo diro Online(Internet-ka) uu isticmaali karo adeegyada Talk Remit (Dahabshiil Online platform) oo u suuro gelinaya qofku in uu lacagta ka soo diro telefoonkiisa isaga oo joogo gurigiisa ama goobtiisa ganacsi isaga oo aan u baahnayn in uu yimaaddo xarumaha Dahabshiil.
TalkRemit waxa isticmaali kara dhammaan macaamiisha joogta waddamada Yurub sida oo kale macaamiisha Maraykanka jooga waxay isticmaali karaan application-ka la yidhaa Dahabshiil USA oo hadda ku diyaar ah Google play iyo IOS kaas oo qofka u suuro gelinaya in uu lacagta ka soo diro gurigiisa ama isaga oo meesha uu doono jooga, qofkuna wuxuu lacagta ka qaadanaya xarumaha Dahabshiil ama qofku telefoonkiisa ayuu ku helaya lacagta iyada oo adeegga EDahab u suuro gelinayo dadka dalka jooga.”
Mudane Fu’aad Axmed Nuux waxa uu sheegay in shirkadda Dahabshiil leedahay qorsheyaal u gaar ah oo ay mar walba kula jaanqaadayso adeegyada ay u baahan yihiin macaamiisheedu, waxaannu si buuxda ugu war-geliyay bulshada Soomaalida iyo Wakiilladeedda daafaha Dunida kala jooga in ay la socdaan in aanay waxba ka jirin heshiiska ay shirkadda World Remit sheegtay, islamarkaana Dahabshiil leedahay adeegyadeeda u gaarka ah oo Dunida oo dhan diyaar u isu Xawillidda lacagaha iyo habsami u helidda lacagaha.
Hadhwanaagnews,Office
Hargeisa,Somaliland
Loading...
Loading...