Wasaaradda Caafimaadka Somaliland oo Shaacisay Dadka laga helay Covid-19
Dadka cudurka lagga baadhay oo ahaa 99-qof, waxa xannuunka laga helay 18-qof, oo 10-ka mid ahi
Hargeisa(HWN):-Wasaaradda horumarinta Caafimaadka Somaliland, ayaa shaacisay in 18-qof oo cusub laga helay cudurka Coronavirus 24-kii sacadood ee u danbeeyay.
Dadka cudurka lagga baadhay oo ahaa 99-qof, waxa xannuunka laga helay 18-qof, oo 10-ka mid ahi u dhasheen Somaliland halka 8-da qof ee kalena ay yihiin dad ajaanib ah, 16-ka mid ah dadkan aya rag ah, halka 2 qofna ay dumar yihiin.
Bukaanadan cusub ee lagga helay cudurku waxaa ay da’doodu u dhaxaysaa 20 ilaa 70-jir, dadkan 10-qof oo ka mid ah waxaa ay degan yihiin magaaladda Berbera, halka 8-da qof ee kalena degan yihiin caasimadda Hargeysa.
Cudurka Coronavirus waxaa ka bogsaday 4-qof, taas oo tirada guud ee dadka xannuunka ka bogsaday ka dhigaysa 165-qof, Wasaaradda horumarinta caafimaadka ee Somaliland waxaa ay bulshada ugu baaqday in ay ka digtoonaadaan cudurka isla markaana ay ilaaliyaan nadaafada sidoo kalena ay kala fogaadaan.
Hadhwanaagnews,Office
Hargeisa,Somaliland
Hargeisa,Somaliland
Loading...
Loading...