Hargaysa (HWN) Ra’iisul wasaaraha Itoobiya, Abiy Axmed ayaa goor dhowyd gaadhay jamhuuriyadda Jabuuti, halkaasi si weyn loogu soo dhoweeyey.

Abiy Axmed iyo wafdiga uu hoggaaminayo ayaa waxaa garoonka diyaaradaha uga hortagay Ra’iisul Wasaaraha dalka Jabuuti.

Ujeedka safarka Abiy Axmed ayaa ah ka qeyb-galka shirka ballaadhan ee u dhexeeya Soomaaliya iyo Somaliland ee maanta ka furmaya gudaha dalkaasi, maadaama uu ahaa maskaxda ka dambeysay kulankii Farmaajo iyo Biixi ku dhe-maray Addis Ababa.

Sidoo kale wuxuu ka qeyb-gali doonaa wejiga koowaad ee shirka oo diirada lagu saari doono arrimo la xidhiidha iskaashiga dalalka geeska Afrika, siiba amniga iyo siyaasadda.