13 june waxey aheyd maalin, dagaalkii Hargeysa u yeeshey dariiq cusub. Hadii ay noqoto; quus-goyn cadawgii xanuujin iyo wiiqudba la dhadhansiiyey, waata labaade, dagaalkii dhuumaaleysiga ee xawliga uga socdey, qeybaha bari iyo koonfurta Hargeysa, ayaa heley garab iyo gaashaanba.

Waxa taliskii aaga Cadaadley helay 8 June Waraaq uu ku saxeexnaa Dhagaweyne madaxii taliska Hargeysa, oo dhiilo iyo quus-ba xambaarsaneyd, taas oo tibaaxeysa in aaney 4 maalmood wax ka badan kuma sii jiri karno Hargeysa, hadii aan nala soo gaadhin!!

Taliskii Cadaadley, waxay isku qeybsheen, garab Maxamex-Cali u kaxeystey Burco, oo aakhirkiina Oodweyne ku bogsadeen halkaasna xorowdey.

Iyo qeyb Xuseen-Dheere ulasoo baqooley Hargeysa, waloow diyaarado ay naafeeyeen. Ciidankaas oo watey saanad militari oo dhameys tiran, watana khibrad 5 dagaal ahna wata, oo dhamaantood hubka qeybihiisa kala duwan la isku adeegsadey(conventional militari war) oo banaan la iska helay.

Ciidankan oo khibradaas iyo hafta-baxaas uu la helay ka keeney guulo la mid ah kuwa dawladdaha ee tacabka badani galey.

Waa 12 June goor fiidnimo ah, ayeey soo dageen dhanka Bari ee Hargeysa goobtii ay ka dhisnaayeen guryihii Dalxiiska(tourist resorts).

Dharaartii 13 June, markii Oogta wabari dilaacdey, ayaa sida ayaxa loogu habsadey ciidankii Siyaad Bare, oo ay maalintaas dagaal galiyaal u ahaayeen, macalinkii Saraakiisha (Army Lieutenent General) Maxamed Cali Samatar, Major General Wasiirkii Difaaca Aden Gabyow iyo Bergaidier General Morgan Taliyihii Qeybta 26aad.

Dhanka Jabhada waxa taliska u fadhiyey Lieutnent Colinel (Gorgorka) Xuseen Axmed Guuleed(Xuseen- Dheere). Iyo taliyayaashiisii iyadoo laba taliye guuto, waa Janan Oogo oo Shahiidey iyo Waysa-Cadde oo dhaawacmey ay meesha ka baxeen.

Waxa ciidankaas dagaal galinayey Mahadi Kaliif, C. Qani Xirsi Mire(ururkii Sancaani) , Gaashaanle C. Lahi Biixi Odey (Saajin Godhgodh), , C. Lahi Xero, Shabac Koosaar, Ahmed Kosar(Siilaanyo), Saleebaan Cismaan Shide, Muxsin Aw-Cali.

Ciidanka keydka Faqashta waxay ahaayeen Guutadii cusleyd ee Habaasweyn ee uu watey Korneyl: Koorajaan. Iyo Xoojin uga timid Gaas Koowaad(Galbeedka Hargeysa).

Halka Sancaani ahaa difaaca iyo ilaalinta dhabarjabinta iyo jidgoonba. Halkaasna ay maalintaas Sancaani gaadhey Calaamadaha iyo Qudhaca Faarax Nuur, Ocotber ilaa agagaarka Birjeex.

20aad iyo Sayid Cumar-na lagu wadey in ay dhabar jabinta isu diyaariso, iyo in ay fursadaas ay faqashtu mashquulka ku tahey dagaalkii ugu cuslaa ee Gudaha Hargeysa ka dhaca, in ay qabsadaan Jeelka, dhaqtarkaHargeysa Hospital) saldhiga dhexe ee police ka, horena ugu socdaan taliska guud ee Qeybta. Nasiib darro intaasi midna meey sameyn.

Inteynaan, dhacdadda dagaalka guda galin waxa fajiciso noqotey in taliskii guud ee Hargeysa aanu heyn wax tafaasiil ah oo ka badneyn Airport-ka, ayeey diyaaradi nagaga soo kacdaa, madaafiicina nagaga soo dhacdaa, ciidan badanina Faqashta uga soo degaa!!!

Waxa iyana xusid mudan in Xuseen Dheere ka helin wax tafaasiil ah, oo sheegaya nafsiyada cadawga sidey tahey dhanka ku xooganyiin iyo dhanka goljilicda ku leeyiin(strengths and weaknesses and enemy moral behaviour), si looga sii diyaargaroobo gulufka nafwaaga ah ee berrito.

Taliskuba ileyn maba leh xog ururinba (record keeping). Halkaas markuu arin marayo waxa uu Xuseen- Dheere adeegsadey plan B gii hore loogu gudoonsadey Kaam Abokor, oo isaga ay ku xusneyd, khariiradaha xeryaha, haba joogto sida cadowgu kala yaalo.

Dagaalkii Bilaabmey, waxa iyana isla markiiba socodkii Jabhadda gaabis galiyey raxan diyaarado ah iyo madaafiic farabdan oo kasoo dhacayey buuraha teedsan min libaaxyada masalaha, Allow u xiir, Airport ka, 24aad, 11aad iyo buurta xaafada Sh . Nuur.