Soomaalida waxa ay ku maahmaahdaa  {Rag Cadaalad kala waayay sidii cawshii kala yaac)  waxaan maahmahdaan u soo qaatay, Qaraarkii dhawaan ka soo  Saareen guddi ka tirsan labada aqal baarlamanka federaalka soomaaliya.

kuraasta golaha aqalka sare Gobolka Banaadir ku yeelanaayo, ayaa guddiga  qaraarka ka soo baxay  lagu sheegay  

1 gobolka banaadir in aqalka sare ku yeelanayo 7 kursi

2  in kuraasta lagu soo xuli doono nidaamka beelaha ee 4.5.

3 in madaxda sare ee dalka go,aan ka gaarayso qaabka loo qaybinayo 7 kursi.

xaqiiqdii marka runta laga hadlo  waxa go’aankaas  ka muuqday cadaalada darada  iyo Dulmiga lagula kacay  dadka dagan gobolka banaadir ,  gaar ahaan beelaha      ugu badan  gobolka.

soomaalida waxay tiraahdaa { nin kaa hadal badan dhaxalka  aabahaa ayuu kula qaybsadaa) waxaan Ulajeedaa Oraahdaas waxaa muuqanaysa Rag siyaasiyiin Ah oo dawlada  federaalka xilal sare ka haya, qaar  ka mida  maamulada  dalka ka jira 

qaar  ka  ka mid ah Qabaailka   soomaalida  iyo kooxo afmiishaaro ah  ay Ka adeegteen Xuquuqda  shacabka Muqadisho.

soomaalidii  hore  qofka  damaca badan ee ay la yaabto  damaciisa faraha badan  waxay oran jirtay  (qofkaasi damac badanaa ma dhidirbaa /Weer)?

Waxaa  taas la mid ah   Qofka  ama qabiilka saamiga uu xaqa u lahaa ku soo qaatay , Garoowe , Gado , Caabudwaaq , Baydhabo  iyo meelo kale  hadana raba beelaha  hawiye iyo reer banaadir Xuquuqdooda  in uu la qaybsado!

Tasaale shacabka ka soo jeeda magaalada muqdisho ma jirto gobol kale oo xuquuq  ama saami qaybsi  siyaasadeed looga  ogol  yahay. bal iswaydii waxa ku gaara shacabka muqdisho?

muranka  iyo khilaafka ka taagan maqaamka iyo xuquuqda magaalada muqdisho waxa uu soobilawday sanadkii 1993

Xiligaasi magaalada adis ababa ee caasimada dalka itoobiya waxaa ka dhacay  shir la iskugu keenay kooxii  xiligaasi dalka ku hardamayay.

Qaramada midoobay oo shirka marti galisay ayaa ka qaybgalayaashii shirka u soo bandhigtay in la dhiso gole qaran oo  mudo  si ku meel gaara dalka u maamula ( transitional national council )

Alah u naxariisto jenaraal maxamed faarax caydiid oo xiligaasi ahaa hogaamiyihii ugu awooda badnaa kooxii  hubaysnaa  ee  ku hardamayay awooda dalka  Ayaa soo jeediyay  in 15 kursi  shacabka dagan magaalada muqdisho laga siiyo golaha la dhiso  laakiin kooxii siyaasada ay isku hayeen ayaa arinkaasi  ku diiday si adagna uga soo horjeestay dalabkii jeenaraalka.

maxamed faarax caydiid  markii ragii ka soo horjeeday arinkaas   isku mari waayeen waxa uu la  kulmay  hogaamiyihii hore ee dalka itoobiya meles zanawi oo xiligaas ahaa madaxwayanaha dalka itoobiya

Waxa  uu u sheegay kuna hanjabay  hadii dalabkiisa la aqbalin in shirka iskaga bixi doono  isla markaana  ay qaadayaan masuuliyada  bur bur ku yimaada  shirka  Raga diidanaa  xuquuqda iyo maqaamka magaalada muqdisho . taasi  waxa sababtay  in dalabkii jenaraal caydiid la aqbalo.

Su’aasha maanta taagan waxa ay tahay   siyaasiyiinta  shacabka magaalada muqdisho siyaasada ku matala Malaga helayaa  maanta  mid ku dhiirada  difaaca xuquuqda  shacabka ay Matalan? 

gabagabadii  qoraalkayga shacabka muqdisho   waxaa  looga baahan yahay  si aan kala har lahyn  in ay uga dhiidhiyaan  shirqoolka siyaasadeed  ee la doonayo in xuquuqdooda lagu boobo.

waxaana  mustaqbaka  adkaan doonto hadii arinkaan laga dhiidhiyin  in la saxo ama la helo  xuquuqda ay  lee yihiin shacabka muqdisho Mustaqbalka .

Waxaa Qoray   Cali Mohamed ali