Iftiimin Dakhliyada Kastamada Dalka…W/Q Iid Cali Cismaan

Waxaan daawaday hordhaca barnaamij laga sii daayay HCTV oo ku saabsan Dooda somliland in khayraadkeeda si siman loo qaybsado.

"Sanaag waxay soo saarta 2.5 Billion S/shillings" Waxa dib ugu noqda 11 Billion S/shillings"

"Togdheer waxay soo saarta 9Billion waxana ku noqda 18Billion"intaanad ku doodin si siman aynu u qaybsano khayraad horta magaaladaadu Maxay soo saarta. Sidaas waxa yidhi doode aanan si shakhsi ah u garanayn.

Ururinta Dakhliyada ee kastamayadu maaha khayraad (Natural Resources) uu leeyahay deeganka Uu ku yaal kastamku.

Macnaha dakhliga kastamku waa masuuliyada iyo cashuur la saarayo alaabta (Goods) la ogolyahay inay soo galaan ama ka baxaan  iyadoo la raacayo qodobada fasaxaya  galida & bixida ee sharciga kastamyada.

Tusaale:-

Kastamka Saylac shiidaalka soo gala waxa loo iib geeya laguna iibsada laasacaanood.

Kastamka Berbera waxa Lagu cashuura xoolaha laga soo iibiyo somaliland iyo guud ahaan dhulka somalida oo sanadkiiba ku dhawaada 3Million.

Kastamada Kalabaydh Qaadka lagu cashuuro waxa lagu iibiya dhamaan magaalooyinka waaweyn ee somaliland.

Hadba khayraadka dabiici ah ama wax soo saar waxa loo yaqaana warshado,Ceelal shidaal, dalaga beeraha IWM.

Xeer 12 oo waajibinaya in 10% loo jaro magaalooyinka kastamyadu ku yaalan waa xeer sadbursi ah oo u baahan dib u eegis iyo wax ka badal.

By:Eid Al Gaddafi