Hargeysa(HWN):-Laba Wasiir oo ka mid ah xukuumada Somaliland ayaa maanta la xaqiijiyey inuu ku dhacay xanuunka Coronavirus.

Wasaarada caafimaadka oo maanta shaacisay 18 qof oo laga helay xanuunka Coronavirus ayaa ka gaabsatay inay shaaciso magacyada laba wasiir oo ka mid noqday dadka uu haleelay xanuunku.

Ila lagu kalsoon yahay ayaa Hadhwanaagnews u xaqiijiyey in labada wasiir uu ka mid yahay Maxamed Axmed Cawad oo ah wasiirka horumarinta maalgashiga, halka aanay noo suuragelin inaanu helno magaca wasiirka labaad ee xanuunka Coronavirus laga helay.

wasaarada caafimaadka ayaan ilaa hada cadayn inay karantiimo galisay labadan wasiir ee laga helay xanuunka Coronavirus taas badalkeedana waxay qarisay magacyadooda iyada oo caalamka la shaacinayo masuul kasta oo uu xanuunkaasi haleelo isla markaana ka karantiimaynayo si ay shacabkuna u raacaan dariiqooda.