Wacyi-gelinta Dhallinyarada Iyo Barashada Dastuurka: Shahaado Sharaf.
▪Waxa sharaf weyn u ah Wasaaradda Xidhiidhka Goleyaasha Iyo Arrimaha Dastuurka JSL in maanta Madaxweynaha JSL mudane Muuse Biixi Cabdi guddoonsiiyo Shahaado Sharaf ku saabsan Wacyi-gelinta Dhallinyarada Iyo Barashada Dastuurka oo Xafiiska Agaasimaha Guud Ee Barnaamijka Shaqo Qaran nagu maamuusay.
▪Guddoonsiinta Shahaado sharaftan ayaa ka danbeysay hoggaaminta iyo hagista Wasiirka Wasaaradda Xidhiidhka Goleyaasha Iyo Arrimaha Dastuurka JSL, mudane Maxamed Xaaji Aadan Cilmi, dedaalka iyo gudbinta tolmoon ee Agaasime-waaxeedyada, madax-qaybeedyada, mas'uuliyiinta xafiis unugeedyada, taliyeyaasha, iyo aqoonyahanka/Garyaqaannada Wasaaradda oo muddo saddex caanamaal ah kula negaadaa ardayda Shaqo Qaran Xarunta kulliyadda Carbiska Shaqo Qaran. Islamarkaana bixiyey casharro ku qotoma:
1.Barashada Dastuurka,
2. Fahanka Waddaniyadda,
3. Doorka muwaadinka,
4. Qaab-dhismeedka Qaranka,
5. Nidaamka Dawladnimada,
6. Xuquuqaha Dastuuriga ah ee Muwaadinka
Iyo Guud Ahaan Aadmiga,
7. Taariikhda Dalka iyo Geeddi-socodka Helitaanka Gobonimada Qaranka,
8. Hannaanka Dimuqraadiyadda
9. Iyo Kor u qaadiska Garashada Wacyiga Taagan.
▪Sidoo kale, waxa mahadnaq qarannimo mudan Agaasimaha Guud ee Barnaamijka Shaqo Qaran mudane Mohamed Hussein Osman "Mu'addinka", maamulka Kulliyadda Carbiska Shaqo Qaran Abdikarim, taliyeyaasha, abbaanduuleyaasha, macallimiinta iyo Ardayda Shaqo Qaran.
▪Ugu danbeyntii, mudane madaxweyne guddoonsiinta Shahaado-sharaftani waa noo dhiiri-gelin, tusmeyn, tognaan iyo tallaabo horusocod ah.
#Shaqo_Qaran_Waa_Hanti_Qaran#
Allaa Mahad Leh.
Jamal A. Muse
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!