Qosol & Qiirro : Beesha-Caalamka & Oday Miyi!
0
Monday June 01, 2020 - 09:30:29 in Articles by Hadhwanaag News
- Visits: 1140
-
- Share
W/Q: Axmed-Assad
Oday beeleed reer-miyi ah oo abaar ba'ani hayso ayay kuwo yar-yari ku
yidhaahdeen "adeer, baaq inoo dir si kaalmo maatada loola soo gaadho".
Hadda garro oo videona way ka duubayeen!
Wuxuu yidhi, "Bismillahi Raxmaani Raxiim, eeeen, Gaalada waxaan ka
baryayaa inay cunto nala soo gaadhaan, dadkii bakhti bay ku dhaw yihiine
"kkkkk
Yar-yarkii gaajaysnaa ayaa qosol jidhaanta ka dhigay, waxayna ku
yidhaahdeen, "Adeer, ku noqo oo si yarahe farsamaysan waxaad u
tidhaahdaa, "beesha caalamka waxaanu ka codsanaynaa inay kaalmo
bini-aadamimo nala soo gaadhaan"!
Oday kalena wuxuu yidhi, "Bulxanoow, baaqa ha canda-dawline inaga
hagaaji oo gaalo & muslimba umadaha aduunka oo dhan inoo gaadhsii
codsiga".
Odaygii intuu muunsooday ayuu yidhi, "adeer, dadkii baryada xirfadeeda
lahaa ee wax dhoob-dhoobi jiray maad raadsataan? Teeda kale, anigu
meeshii Gaalo 'beesha-caalamka' sida beelaha deriska ah loogu bixiyay
maan ogayn" wuxuuna sii raaciyay "Adiguse Gurxanoow, gaalada baryada
haka xumaynine,
hadaynu iyaga barinno, Carabaha aad sheegayso iyagaa inoo soo khasbayee
adigu ha degdegin, Soomaaliduna waxay ku maahmaahdaa, nin ragga
reerkiisa looma gacan dhaafee, gaallo & cawaankeeda isu daah!"
Wuxuuse oday Bulxan hadalkiisii ku soo xooriyay, "hadayse idinla
fool-xumaatay baryo xumaantaydu, waxaan leeyahay: Illaahoow adigaan ku
baryayaa oon gacmaha kuu hoorsanayaa, oo gaalada ka gacan-weyn kana
naxariisto badane, dulinimadaa aan dhex-galay adigu iga soo furo, oo
raxmadaada degdeg noola soo gaadh".
Goobtii oon laga kicin, ayuu buudhkii isu badelay daad! Waxaana xigtay,
"waar xooluhu waa caatee roobka ka jiriyaaaaaay, iyo ee guryaha
moosaaay!"
Cajadii beesha caalamka ama 'Gaalada' loogu talo galayna, iyadoon weli
la baahin 5 sanno ka hor, baa iigu war dambaysay. Malaa waxa laga
xishooday in maadaama hee ........! adba iska garro!
W/Q: Axmed-Assad
FB: @AhmedAssad
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...