1-DUQBA LOO TUMAA GEEL,DAR MARKUU KA MAAGEE,

HADDII AY DURDURISABA,AARANKEEDI DABA YAAC,

DAAMANKA IYO CARABKU,IYABA WAYS DUQEYAAN,

MANA KALA DURKAANO,DAAYINBA HALAKA DHIGAY.

2-HALKAASAN TAA KU DAAYE,WAXAN UGA DANLEEYEY,

DHAKTARKII DAWAYNLAA,YAA DAMQAAYA NABARKII,

ODAYGII DEJINAYAA,ISAGUNA DURBAAN TUMAY,

DAWLADIYO DUQAYDABA,DUURXULKAYGA LOO SIMAN.

3-DISTOORKAYNU DHIGANIYO,DIINTOYNU RAACNAA,

DAWAY INOO AHAAN LAYD,DADKU AY HESHIISYIIN,

DIMUQRAADINIMADIYO, DURUUSTOODA GAALADU,

DAWARSADA INA LEEYIIN,WAY INOO DULEEYEEN.

4-DOOLAR AAN KU SIIYEE,DOORASHADA INOO QABO,

DUUDSA KU HOOS JIRA,DOONIBA MAYNO DHAHOO,

WAY INA DULMIYAYAANE,HANAYNAGA DAREERAAN,

DAABULKII HA WAAYAN,KIINIYA WAXAY KU DAAQAN.

5-DAWLAD BAYNU DHISANO,DAWGEEDA BARANAYE,

XISBIYADAN DERDERANE,DARAF QABIIL USUDHANYE,

KU DANAYSTA SHACABKO,ISKU DIRKEENA MOOYEEN,

DANA AAN INOO HAYN,WAA IN LAGA DUL GURAA.

6-DULEEDKA IYO KAYNTIYO,INOO WAABA DAMASHII,

DAR ILAAHA YAQAANOO,DHACAHAYN DADWEYNA,

DISTOORKENA DHAWRO,REER MARU DAR SOO XULO,

HADDII AANAY DOONAYN,INTA KALEBA DIIDAAN.

7-DOORSHOO MID KALE KEEN,DADKEENU INU YIDHAHADA,

DILAALNIMIYO MAAL,DUUDUUB YAAN NALAGU MARIN,

SIDII ADHI DUBAAXEED,DOOXA INAYNU TAAGNAA,

DAW LOOGU LEEYAHAY,DAWLAD HOOSE KII RABA.

ISMAIL ABDILLAHI HANDULEH.