Qalabkii Caafimaad Ee Covid-19 Oo Suuqyada Soomaaliya Lagu Iibinayo Iyo Sheekh Shariif Oo Si Adag Uga Hadlay
Ilaahey naxariistiisa waa nala jirtaa, marka la’eego sida hay’adaha caafimaadka sid ay u baaba’sanyihiin iyo sida looga kabanayo isma laha, dhakhaatiirta Soomaaliya ee aqoonta u leh, amma aqoonta caafimaad ee durugsan leh, waa in ay dadaal dheeraad ah sameeyaan amma wacyi-gelin ha noqoto amma wax ka qabasho ha noqoto ay ku dadaalaan badbaadinta shacabka .” ayuu yidhi madaxweynahii hore ee Soomaaliya Sheekh Shariif Sheekh Axmed.
Isagoo hadalkiisa sii wata ayaa waxa uu sheegay in hadda uu xog ku helayo qalabkii loogu tala-galay wax ka qabashada xanuunkaas in lagu iibinayo suuqyada.
"Waxaan la soconnaa qalab fara badan oo dowlado kala duwan ay keeneen amma ay jiraan kuwo ay soo wadaan, qalabkaas waxaa muuqata in sidii loogu tala-galay aan loo isticmaalin, waxaa muuqata in qaarkood suuqa laga helay sida warka nagusoo gaadhayo, arrimahaasi ma fiicna, ammaanada sidii loo keenay in loo gutaa la rabaa” ayuu mar kale sheegay Shiikh Shariif Shiikh Axmed.