Maxay Ka Wada Hadleen Madaxweynaha Puntland Iyo Madaxda Imaaraadka Oo Dubai Ku Kulmay?

0
Wednesday April 10, 2019 - 17:54:44 in News by G. Good
  • Visits: 3197
  • (Rating 0.0/5 Stars) Total Votes: 0
  • 0 0
  • Share via Social Media

    Maxay Ka Wada Hadleen Madaxweynaha Puntland Iyo Madaxda Imaaraadka Oo Dubai Ku Kulmay?

    Maxay Ka Wada Hadleen Madaxweynaha Puntland Iyo Madaxda Imaaraadka Oo Dubai Ku Kulmay?

    Share on Twitter Share on facebook Share on Digg Share on Stumbleupon Share on Delicious Share on Google Plus

Maxay Ka Wada Hadleen Madaxweynaha Puntland Iyo Madaxda Imaaraadka Oo Dubai Ku Kulmay?


Garoowe(HWN):-Madaxweynaha Dowladda Puntland Mudane Siciid Cabdullaahi Deni oo ku sugan dalka Isutagga Imaaraadka Carabta ayaa kulamo muhiima la qaatay masuuliyiinta Wasaaradda Ganacsiga Imaaraadka, Rugta gancsiga Abu Dhabi iyo ganacsatada dalkaasi.

Image may contain: 2 people, people sitting, table and indoor
Lis Dairy


Madaxweynaha ayaa waxaa kulanka ku wehelinaayey Wasiirka Wasaaradda Ganacsiga, Warshadaha iyo Maalgashiga Cabdullaahi Cabdi Xirsi, Wasiirka Wasaaradda Dekedaha iyo Gaadiidka Badda Maxamed Cabdi Cismaan (Majiino), Wasiirka Wasaaradda Duulista Hawada iyo Garoomada Xuseen Cismaan Lugatuur (Gabiley) La taliyayaal sare oo ka tirsan Dowladda Puntland iyo saraakiil ka tirsan Madaxtooyada Puntland.

Image may contain: 4 people, people standing and indoor

Kulankan muhiim ka ah ayaa looga hadlay xoogjinta xidhiidhka soo jireenka ah ee ganacsi iyo maalgashi ee ka dhexeeya Puntland iyo dalka Imaaraadka, waxaana si qotodheer looga wadahadlay arrimo la xidhiidha ganacsiga xoolaha, isku xirka Puntland iyo Imaaraadka ee dhinaca duulimaadyada, kobcinta ganacsiga labada dhinac iyo dhiiri-gelinta maalgashiga.


Madaxweynaha Puntland iyo weftigiisa ayaa kulamo la qaatay rugta gancsiga Abu-Dhabi iyo ganacsatada dalkaasi, waxaana wafdiga Dowladda Puntland u soo bandhigeen ganacsatada dalkaasi fursadaha ganacsi ee Puntland ka jira iyo sidii loo xoojin lahaa ganacsiga labada dhinac.

Image may contain: 2 people, people sitting, table and indoor

Kulamada muhiim ka ah ee lagaga arrinsanayey iskaashiga ganacsi iyo midka wadashaqayneed ee labada dhinac ayaa diiradda lagu saaray arrimaha ganacsiga iyo xoojintiisa oo ay ugu muhiimsanayd ganacsiga xolaha iyo dhoofintooda, waxayna kulamadaasi kusoo dhammaadeen is afgarad iyo wadashaqayn labada dhinac ah.

Image may contain: 3 people, people sitting, table and indoor

Ugu dambeyn, Madaxweynha Dowladda Puntland Mudane Siciid Cabdullaahi Deni ayaa kulamo kala duwan la qaadan doona inta uu ku sugan yahay Imaaraadka madaxda iyo ganacsatada dalka kaasi, kuwaasi oo loogu gogol-xaadhayo kobcinta xidhiidhka qotada dheer ee labada dhinac, midka maalgashi, horumarinta kaabayaasha dhaqaalaha Puntland iyo arrimo kale oo muhiim ah.

Image may contain: 10 people, people standing


=DHAMMAAD=

XAFIISKA WARFAAFINTA, WACYI-GELINTA, HIDDAHA IYO DHAQANKA MADAXTOOYADA DOWLADDA PUNTLAND.

 

Loading...
Loading...