Ugaas Axmed Cali Mahdi Oo Naqdiyey In Muuse Biixi Ka Baaqdo Aaskii Xasan Guure, Kana Hadlay Colaada Beellaha Gobolka Sanaag
Hargeysa(HWN):-Ugaas Axmed Maxamed Siciid oo ka mid ah madax dhaqameedka Somaliland ayaa xuska 18-ka May, geeridii mujaahid Xasan Guure iyo arimo ku saabsan soomaaliya.
Ugaas Axmed Maxamed Siciid ayaa warsaxaafadeed uu soo saaray waxa uu u dhignaa sidan
Bislmilaah wa salaatu wa salaamu calaa sayidal mursaleen, Nabiyunaa Maxamed(scw).
Salaan, duco iyo saamaxaad kadib.
Waxaan ku celecelinayaa tacsida Muj/Marxuum/ Xasan Guure Jaamac oo ah aqoon
hoyatay, taariikh iyo xognimo hoyatay, tiir jabay oo ka baxay Qaranka
Soomaaliland.
Wuxuu ahaa geesi aan gaban oo garasho iyo ku dhac ku leh oo xaqa u hiiliya una
heegan ahaa kuna ilaabay dantiisii gaaraka ahayd.
Waa geeri naxdin leh ,waxaanse Eebbe(swt) ug barayayaa inuu qawlka suuban ku
ilhaamiyo, qabrigana u nuuro, ooridiisii, inantiisii,ehelkiisii, intii cadaaladda
iyo xaqsoornimada kula socotay iyo dhamaan Umadda Reer Soomaalilandna samir iyo
iimaan saadiqa haka siiyo.
Waxaanse is weydiinayaa:-
1- talada iyo toosinta lexehejecladu ku jirto ma xumaan bay dhalisaa iyo nac?
2- Maydku ma colaad buu yeeshaa?
3-Madaxdii Qaranka miyaan loo sheegin geerida Mujaahidka?
Waxaan filayay inaan wajiyo badan ku arko Aaskaa Marxuumka ee siday wax
yihiin?Allaah yastur.
Ta kale Waxaan hamblyo u dirayaa dhamaan Reer Soomaaliland meel kasta oo ay
joogaan gudo iyo debedba soo helidii Hasheenii Maandeeq ee xeredeedii deb loogu
soo celiyay 18 May 1991 ilaa hadana sharaf loogu maalo ee hambalyo.. hambalyo.
Ugu dambayn,waxaan maqalayaa inaan wali lasoo af jarin colaaddii bariga ee
tolkeen oo wali ay taagan tahay, iyana waxaan leeyahay "Waar toloow colka
joojiā€¯ oo Illaahay ka baqa.
Waxaanan in yar oo kooban odhan lahaa:-
Dad is dhalay baa tihiin
Dhaabad wada taala
Dhalaan iyo carruur
Meel kuwada dheela
Iga dhimayo kaa dhimay
Dhiigan dami waayay
Dhugo habar lamaaneey
Waa dhagari meesheede
Dhurwaa iyo dugaag baa
Tolkii dhaaxo loo wadhaye
Midna lama dhamayn karo
Halkuu Eebbeheen dhigaye
Dheg xumo iyo colaad
Waad ka dheregteene
Allaan idinku dhaarshee
Ceebta maruun dhaafa
Dhukh dhukh iyo ciyaar
Laguma dilo dhoohanow ehele
Isma dhaantiyo dhasheeday
Dhaartuun ka rumeeya
Dharaartaad u baahnayd
Ninkii dhiibay noloshiisa
Dhiilo weeye maantana
Inaad dhimasho doontaaye
Dhuxushiyo dhimiil daba
Hadaad dhaadi kari wayday
Dhibyaraan inaad seexataa
Waa wax dhumuc weeyne
Dhan kaloo ka sii liidatiyo
Tallo waxaad dhaaftay
Kufrinimo kuwada dhiiratiyo
Faan dhaadashiyo beene
Dhaxdin gaaban weeyoo ifkii
Waa dharaar qudha e
Shaqaa laysku dhaafee
Maxaad aakhiraw dhigatay
*Waar toloow colka jooji*
Ugaas/Axmed