Masiibadan loo magac bixiyey covid-19 , aduunku wuxuu u aqoonsaday dagaal-wayne caalamiya , wadan kasta oo dagaal ku jirana waxaa hogaaminaya madaxa ugu sareeya , waayo madaxa wadanku waa abaan-duulaha guud , distoorkeenana intaas ayuun baan ku qoran , madaxwaynayaasha iyo raysal wasaarayaashuna sababtaas ayuun bay habeen iyo maalin u heegan yihiin .

Sidaa markay tahay , madaxwayne xanuunki maanta wuu inala joogaa , geeridiisu way inagu badan tahay , dhiiladiisu way inagu badan tahay , xaaladuna waxay maraysaa halkii la odhan maanta oo kale raq dusheed laguma murmo , sidaa darteed waxaa la joogaa markii xanuunka aad si tuusa isu wajihi lahaydeen ee aanad cidna ku hayseene aad adigu gacanta ula tegi lahayd , waayo tallo col nin baa loo dhiibaa , coved waa col .

Ugu dambayn tallo badan kuuso jeedin maayee , wuxuun baan hawada kuusoo marinayaa , wadanka sidda ugu dhaqsaha badan xaalad degdega ugu soo roq , amar kasta oo muhiima oo loo baahan yahayna adiga afkaaga hakasoo baxo , heer guddi way dhaaftaye .