Mujaahid Xasan Guure oo Goor-dhawayd Ku Geeriyoodday Hargeisa
Hargaysa(HWN):-Alle ha u naxariistee waxa goor-dhawayd magaalada Hargaysa ku geeriyoodday
Hargaysa(HWN):-Alle ha u naxariistee waxa goor-dhawayd magaalada Hargaysa ku geeriyoodday Marxuum Mujaahid Xasan Guure Jaamac oo ka mid ahaa Saraakiishii sarsarre ee ururkii SNM ee dib u xorraynta Somaliland.
Alle ha u naxariistee Xasan Guure Jaamac waxa uu ahaa Guddoomiyaha madasha wada-tashiga Somaliland, waxaannu u geeriyoodday Xanuun ku soo boodday oo uu caawa dhiskii danbe ee Suxuurta u geeriyoodday.
Mujaahid Xasan Guure Jaamac oo ka mid ahaa saraakiishii ururkii xornimo-dirirka ahaa ee SNM, isla markaanna waxa uu ahaa Shaqsi aad looga yaqaanay guud ahaan deegaanada Soomaalida, gaar ahaan Somaliland.
IIlaahay ha u naxariistee Mujaahid Xasan Guure wuxuu soo noqday wasiir ku xigeenkii wasaarada gaashandhiga somaliland waxa kale oo uu aad uga dhex muuqday siyaasada somaliland, iyadoo mudooyinkan u danbeeyay lagu xasuusto siyaasiyiinta ku bahoobay Madasha wada tashiga.
Alle ha u naxariistee Marxuum Xasan Guure Jaamac waxa uu ahaa Addoon wanaagsan oo run sheeg ah oo markasta Xaqa u hiiliya, isla markaanna Cibaado badan oo af-gaaban waxaannu Noloshiisa oo dhan u shaqaynaayay ummadda reer Somaliland.
Bahda Warbaahinta Hadhwanaagnews waxa ay Tacsi u dirayaan Qoyskii, Qaraabadii, Ehelkii, Asxaabtiisii iyo guud ahaan Shacabka Somaliland geeridda naxdinta leh ee ku timid Alle ha u naxariistee Marxuum Mujaahid Xasan Guure Jaamac.
Hadhwanaagnews,Office
Hargeisa,Somaliland
Loading...
Loading...