"Shaqo Ka Caydhintayda Waxa Lagu Raali-gelinayaa Masuul Ka Tirsan..." Hani Warsame Sulub
0
Wednesday May 13, 2020 - 11:13:48 in News by A. Asbaro
- Visits: 3456
-
- Share
"Shaqo Ka Caydhintayda Waxa Lagu Raali-gelinayaa Masuul Ka Tirsan Xukuumadda.." Hani Warsame Sulub
Hargeisa(HWN):-Hani Warsame Sulub oo ka tirsanayd Shaqaalaha Wasaaradda Xanaanadda Xoolaha Somaliland, ayaa markii ugu horraysay waxa ay shaaca ka qaadday in Guddoomiyaha Hay'adda Shaqaalaha Dawladda Farxaan Aadan Haybe uu ka caydhiyay Shaqaddii ay ka haysay Wasaaraddaas, waxaannay sheegtay in danbi aan jirin loo sameeyay oo lagaga saarray Shaqaddeeddii.
Hani Warsame Sulub oo Warbaahinta kula hadashay magaalada Hargeisa, waxa ay sheegtay in Guddoomiyaha Hay'adda shaqaalaha Dawladdu uu dagaal cad la galay, isagoo raali-gelinnaaya Masuul ka tirsan Xukuumadda, isla markaanna aan la dhawrin Xaqa ay u leedahay inay dalkeedda ka shaqayso.
"Run ahaantii sida beryahan-ba ka muuqatay baraha bulshadda waan la socday. Waxa la iga saaray shaqadii aan u hayay qarankayga Somaliland, waxaan muddo Shan sanaddood ah ka shaqaynaayay Wasaaradda Xanaanada Xoolaha iyo Horumarinta Kalluumaysiga."
"Sida runtiiya waxaad arkayseen dood naga dhaxaysay Guddoomiyaha Hay'adda Shaqaalaha Dawladda Farxaan Aadan Haybe. Dooddaasi waxay salka ku haysay Shaqaddaydii oo uu iga saaray isagoo aan wax Xeer ah ii cuskan ama wax Xeer ciqaabeed ah oo Shaqaddayda ku saabsan." Ayay tidhi Hani Warsame Sulub
Waxaannay intaas ku dartay oo ay tidhi "Xaq waxaan u leeyahay Digniin afka ah, Digniin qoraal ah, marka saddexaad ayuun baa shaqaddayda la iga saari lahaa. Sidaasoo ay tahay Wasaaraddii aan ka tirsanaa imay soo Dacwayn, wax eeddana iimay soo jeeddin, laakiin waxa uu igu eeddeeyay inaan danbi qirtay oo danbigaas Shaqadda la igaga saarray, manna garannaayo meel aan danbi ku qirtay, runtii isagoo qof ku raali-gelinnaaya ama Wasiir ku raali-gelinnaaya ayuu Shaqaddaydii iga saarray, markii danbenna wuu isku dhex yaacay oo wuu isku qasmay, waxaad arkayseen isagoo hadba Facebook-ga iiga soo jawaabaayay oo uu xaq-daro igu sameeyay, Xaqdaradiina isagay ku caddaatay.
Markii koowaad farriin baa iga soo gaadhay Agaasimaha waaxda sharciga, markii aan la hadlayna waxa uu ii sheegay inay shaqaddii iga saarreen, laakiin in la i soo ogaysiiyo aan xaq u leeyahay, sidaa awgeedna ay farriinta iigu soo dirreen. Farxaan Aadan Haybe si cad buu iila dagaalamay, si cad buu shaqadda iiga saarray, anigoo taas u dhigi karraaya innuu hab reerraysan ii bar tilmaamaydsannaayo." Ayay tidhi Hani Warsame Sulub
Hadhwanaagnews,Office
Hargeisa,Somaliland
Loading...
Loading...