DHULCUNAW : MEE DAMIIRKAAGII ?

Visits: 1233
(Rating 0.0/5 Stars) Total Votes: 0
0 0
Share via Social Media

DHULCUNAW : MEE DAMIIRKAAGII ?

Waa haben madaw oo mugdiya, oo cirkuna hadoodilan yahay , waa dhaxan , wadooyinkuna waa juuqla jaaqla , askari waar diya ah uun baa lugeynaaya .

Share

Waa haben madaw oo mugdiya, oo cirkuna hadoodilan yahay , waa dhaxan , wadooyinkuna waa juuqla jaaqla , askari waar diya ah uun baa lugeynaaya .

Axmed guriguusu wuxuu ku yaalaa koonaha magaalada , wuu dhaxamoonayaa , koofiyaddii uu gashanaana waxba kama tarayso , kolba wuu yara kacayaa , si uu dhaxanta isaga duuliyo , markuu daalona wuxuu ku yara dhakinaayey makhsinta uu seexdo ee u dhaw daaqadda debbeda , saacaddu xiliga ay marayso lama socdo , laakiin waa goor danbe .

Albaabkii guriga ayaa la garaacey , waxa uu iswaydiiyay tolow xiligan yaa garaacaaya , cidina reerka kama maqnee oo way wada hurdaane .

XAAJI AXMED :xaggii albaabka ayuu u kacey :waxaanu oo u yidhi : waar wa ayo ?

CODKII ayaa jawaabey: waa aniga QAWDHAN DHULCUN ?

XAAJI AXMED: tolow maxaa soo kordhey ayuu iswaydiiyey ?

XAAJI AXMED : albaabkii ayuu ka furey ;soo dhaaf ayuu ku yidhi , wuxuu geeyey makhsinkiisii uu jiifey , kursi halkan yaalla ayuu isku tuurey qawdhan , boodh ayaa ka duuley , waayo ? qawdhan wuxuu ahaa nin aad iyo aad u qarowayn oo balaadhan .

maxaa soo kordhay ,ayuu x axmed waydiiyey qawdhan ?

Adeer waxba ma soo kordhine , ha werwerin , ee bal adigu iska waran ? haalkaagu waa sidee ?

Xaaji axmed inta uu dib u fadhiistey , oo cirka eegey , oo waxoogaa yar oo murugo ahi codkiisa ka muuqatey , ayuu ku jawaabey : waa nin iyo waagii ? inkastoo waayuhu adag yahay ? maxaan ka waramaa , xaaskii way iga bugtaa oo dawo uma soo iibin karo , islaantii ii hooyada ahaydna waa sakaraad , caruurtiina allaa xaalkooda og ?

QAWDHAN DHULCUN: illaahey ha ku caawiyo , isdeji , dadkuba wax badan isma dhaamee, waad ogtahey duruufaha dalka iyo dadkaba heysta , ee aynu ku nool nahey , sidaa awgeed ayaan kuugu imi , waan ogahey inaad aad lacag u baahan tahay , aniguna raali ka ahaan maayo inaad xaaladdan xun ku sii jirto , oo sidaa kugu eegan kari maayo :

x.axmed : wax badan ayaa madaxiisa ku soo dhacey , su aalo badan ayuu iswaydiiyey < tolow maxaa keeney qawdhan ? tolow muxuu u jeedaa ? tolow muxuu iga doonayaa ? tolow maxaa buul caws keygan uu ka soo doonay ? tolow muxuu ii caawinayaa ? iyo su aalo kale oo jawaabo u baahan ayuu qawdhan dhulcun ka sugayaa ?

Qawdhan dhulcun : ayaa yidhi : x axmedaw ma ga raneysaa dhulkii yaraa ee beerta gurigeyga ku xigtey , ayaa x.sakariye sheeganayaa inuu aabbahey ka iibsadey intaanu dhiman ka hor ,laakiin wax waraaqo ah ma heysto oo cadeynaaya arintaa ?

X.axmed ayaa si adag arintii uga jawaabey , oo ku yidhi : qawdhanaw ... waxa jirtey shuhuud badan oo arintaa ka markhaatin aheyd ,oo taagneyd markii ay lacagta kala qaadanayeen , oo aan anigu ka mid ahaa .

x.axmed iska ilaw shuhuudaa la soo kiraystey iyo markhaati nimadooda ?

x.axmed : qawdhanaw maxaad iga dooneysaa aniga iminka ?

x.axmed : waxaa madaxiisa ka guuxay say sidii uu lacagb u siin lahaa qawdhan uun , qawdhanna intuu farxay oo uu arkey inuu marsiiyey x.axmed , in uu iska ilaawo ciddii laheyd dhulka , oo uu ku qanco in lahaan shiiyaha dhulku uu yahay dhulkii aabbiohii , inkastuu ogyahay x.axmed runta , laakiin saacadani waa saacad uu sheydaanku shaqaysanaayo , oo qofka caqligiisu iyo maankiisuba ay maqan yihiin . baahidoo ka badatey awgeed .

Qawdhan dhulcun:x.axmed ma ku qanacsan tahay iminka inuu aabbahay dhulka iska lahaa ? oo aanu xaajigan sheeganayaa lahayn ? ninkana maxkamadda ayuu tegey si uu xaqan uu sheeganaayo u soo ceshedo ? maxkamaduna berito 10:00 subaxnimo weeyo ,

sidaa daraadeed waxa weeye , inaad ii raacdo maxkamadda oo ka hor caddeyso inuu aabbahey dhulkan lahaa , oo aanu ninkana ka iibin , shaqona aanu dhulkan ku laheyn .

LAAKIIN: dqawdhanaw adeer ...?

Arintan ha ka fekerin , waxti ma haysano , idigaan isku kaa haleynayaa , si aan xaqeygii u soo ceshedo ....

qawdhan dhulcun : ayaa jeebkiisa , wuxuu ka soo saaray lacag dollar ah oo aad u badan , miiska ganbadhka ayuu u saarey x.axmed , wuxuuna ku yidhi :

lacagtan yarna waa mid aynu isku leenahay ee reerka wax ugu soo iibi , beritona maxkamadda ka bacdi kharash fiican baan ku siinayaa ? waa inoo iyo berito ?

X.axmed ayaa is yidhi ,u mahadnaq qawdhan : waad

laakiin qawdhan kamuu sugine wuu ka jarey hadalkii

Weynu usku leenahay ayuu ugu jawaabey :waa inoo iyo berito 09:00 subaxnimo gurigaaga hortiisa ayaan kugu soo marayaa , anigoo gaadhaga wata ?

x.axmed : dee wax cab

Qawdhan dhulcun : waad mahadsan tahay xaaji .

Qawdhan wuu iska baxay , x.axmed , werwer iyo dhaka faar ayaa isugu yimi . markhaati beena - lacag uu u baahan yahay oo soo doonatey , muxuu yeelaa

ma been buu sheegaa oo lacagtuu qaataa

mise runtuu sheegaa oo wuu ku lacag beelaa ? muxuu yeelaa ,talaa ku cadaatey ?

xaaskiisii way bugtaa , hooyadii waa sakaraad , caruurtiisii aad iyo aad bay u baahan yihiin .

X.axmed waa nin ilaaheh , oo dhaqan muslim leh , laakiin nin aad u adag maaha , dhibaatooyinkana uma adkeysan karo , cimrigiisuna waa ilaa 33 jir .

A.axmed werwer ayaa nafta isugu keeney , habeenkii oodhan laba indhood isumuu keenin , waagii baa baryey , wuu diyaar garoobey , wuu soo fooldhaqdey , , dharkiisii buu gashadey , ALBAAB KAABA lagaraacey , qawdhan baaba yeedhaaya .

X.axmedaw diyaar ma tahey ?

Haa waa nigan soo baxaaya ..

X.axmed gaadhigii ayuu korey , xaggii maxkamadda ayey afka saareen , x.axmed markii uu gaadhiga ka degey , ayaa naxdin , iyo baqasho -gariir - ku bilaabmey ..

qaadigii ayaa markhaatiyadii u yeedhey , markii uu doorkii x.axmed la soo gaadhey ee uu qaadigii is hortaagey , ayaa dhidid waaweyni qariyey wejigiisii , wadnuhuna gariirey ,

QAADIGII :magacaa

X.axmed cabdilaahi

IMISAAD JIRTEY ?

33 SANO

Maxaad ka shaqeysaa ?

waan shaqo la ahay iminka ...

Waayahey axmedaw : kitaabkaa quraanka ah gacantaada saar : waxaanad iga deda tidhaahdaa (walaahay bilaahay tallaahay runta ayaan ka sheegayaa arintan )

markaasu x.axmed gariirey : wuxuu xasuustey aakhiri -naarta -janada- cadaabta ilaahey - ciqaabta aakhiro -

markaasuu intuu qaadigii ishortaagey yidhi

wallaahey billaahey tallaahey runta ayaan arintan ka sheegayaa , iyo sidii ilaahay igu ogaa ...

waxaanu ku tashadey inuu runta ka sheego .

x.axmed runtii ayuu shegey , dadkii meesha joogey oo dhamina way u sacab tumeen .

qaadigiina wuu xukumey qadyaddii .

cali maxamed biixi [email protected]

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!