Xasan Cabdile walan-wal wuxuu ahaa ardaydii ugu horaysay ee u dhalatay qaaradda Afrika ee gashay jaamacadda ugu magaca wayn wadanka Ingiriiska dhinaca Milateriga ee magaceeda la yidhaahdo

The Royal Military Academy Sandhurst (RMAS or RMA Sandhurst) 1957 , waxaanay isku lod ahaayeen rag badan oo Aduunka caan ka noqday sidda Boqor xuseenkii Jordan .

Xasan Kayd wuxuu ahaa sarkaalkii hogaaminayay inqilaabkii ugu horeeyey Afrikadda madow 1961 , kaasoo ujeedadiisu ahayd in somaliland lasoo noqoto gooni isutaageedii , kaasoo dhaawac kasoo gaadhay , laguna xidhay isaga iyo saaxibadii .

Markii uu xabsiga kasoo baxay isaga iyo saaxiibadii waxaa lagga saaray ciidankii , hasa yeeshee waxaa isaga laggu qoray liiskii ciidanka kaydka ah ee loo yeedhayo markii loo baahdo maadaama uu ahaa nin aan aqoontiisa lagga maarmaynin .

1964 dagaalkii Itoobiya waxaa loogu yeedhay difaacii wadanka ,waxaanu dagaalkii ka galay Aaga Daba-gorayaale , waxaanu madax u noqday maleeshiyo caawinaysay ciidankii dawlada oo tamar yaraa.

Dagaalkaas ka dib wuxuu ka shaqaynayay wasaaradii arrimahah dabada ee Soomaaliya , waxaanu noqday danjirihii ugu horeeyey ee soomaaliya u magacawdo Jordan oo dabcan saaxiibkiina boqor ka ahaa .

Mar kale waxaa loogu yeedhay dagaalkii 1977 , waxaanu madax u noqday ciidan lagga diyaariyey maxaabiistii xabsiyadda oo loo bixiiyey waayo-arag , waxaanu dagaalka ka galay Jiida magaaladda herer oo isag iyo ciidankiisi wacdaro ka dhigeen .

Mar kale ,Xasan kayd wuxuu ka qayb galay Halgankii snm , waxaanu ka mid noqday 2 Taliye qaybeed ee bari iyo galbeed uu u magacaabay C/raxmaan Axmed cali markii wadanka la xoraynayay 1990 , kuwaasoo ahaa haybe omer magan oo galbeed ah iyo isagoo barri ah .

`1991 Xasan kayd wuxuu nasiib u yeeshay in ahaa sarkaalkii qabtay Magaaladda Burco oo ahayd halkii lagaga dhawaaqay Somaliland , ku dhawaaqistii Somaliland na goob joog ayuu ka ahaa 30 sanno ka dib inqilaabkii uu bilaabay , isagoo markan ahaa sarkaal ciidamo balaadhan wata .

Ugu danbayn ,Xasan kayd wuxuu ahaa sarkaalkaa Somaliland usoo halgamayay 1961 ilaa 1991 , ee labadaa dhacdaba kaga qayb galay aqoontiisii iyo xirfadiisii , sidaa darteed Xasan kayd wuxuu astaan u yahay Halganka Somaliland iyo soo noqoshadeeda , sidaa darteed waxaa haboon in aynu u magac darro maamuus ahaan meel ku haboon halgakiisii naf hurka ahaa .

Ahmed Nour Guruje