Amiir Siciid Mira Caalim Khaan , wuxuu ahaa amiirkii ugu danbeeyey ee amiiradii xukumi jirey Saldanadii Mangud ee xukumi jirtay wadanka haatan loo yaqaano Usbakistan ee xarunteedu ahayd magaaladd Taariikhiga ah ee Bukhaara .

Amiir Siciid wuxuu xukunka qabtay Bishii Jenuary-3-1911 waxaanu xukunka hayay ilaa 30-ogost 1920 , xiligaas oo Ruushku xukunka ka tuurey .

Bukhaari waxay ahayd mid heshiis ilaalin ah kula jirta Boqortooyadii Ruushka ilaa 1873 , hasa yeeshee Markii Ruushku shuuciga noqday ayuu kusoo qaaday dagaal 1918 waxaana ka adkaaday Amiirka hassa yeeshee 1920 ayaa xoog laggu qabsaday amiirkuna wuxuu u baxsaday Afganistan kuna geeriyooday .

Hadaba sheekadda xiisa lihi waxay tahay , Amiir siciid wuxuu ahaa ninkii ugu danbeeyey taliskii Mangooliyiinta ee uu aasaasay ninkii habaar qabaha ahaa ee Gangs Khan ee badiba cagta mariyay aduun waynaha qarnigi 13 aad , Amiir siciidna wuxuu toos ugu abtirsanayay Gangs khaan , waxaanay qoyskiisu xukunka iska dhaxlayeen ilaa waagaas , Amiir siciidna wuxuu ahaa suldaankii ugu danbeeyey tafiirtaas mudada dheer talinaysay .

Dhinaca kale , Amiir siciid wuxuu ahaa nin sheekha oo islaama oo aad loo jecel yahay , cadaaladda badan , musuqa neceb , aabayaashiina sidaas oo kale ayay culimo u ahaayeen , waxa kale oo xiiso leh in badiba tatarkii kasoo jeeday taariikhdii Gangs khan ay maanta islaam yihiin aadna islaamka ugu adag yihiin .

W/Q: Ahmed Nour Guruje