Maxamed yarre wuxuu ahaa wiil-yar oo kabo-caseeye ah amaba balaashle ah qofba sida uu u yaqaano , waxaanu nolol maalmeedkiisa ka deberi jirey shaqadiisaa baalashka , habeenkiina waxbuu baran jaray .

Maxamed yarre , waxaanu isku baranay Maqaaxidda diyaaradda loo yaqaano ee badhtamaha suuqa Hargaysa , sanadihii 2011-2012 oo aan casarkii maqaaxidaa ka shaahi jirey inta badan .

Maxamed yarre wuxuu ka yimi qoyskooda oo reer miyi ah oo degen Gobolka Togdheer miyigiisa , isagoo aad u da yar , xilagaa aanu is baranay oo aanu saaxiibnayna dadiisu waxay ahayd 12 ilaa 13 jir , waxaanu ahaa wiil niyad fiican , farxaana oo aad u dadaalayay .

Galab galbaha ka mida ayaanu maxamad yarre sheekaysanay , waxaanan waydiiyay halka uu dhigto lacagta , ka dibna wuxuu igu yidhi laba dukaanada ayaan u dhiibtaa , markaasaan hadana u celiyey oo biluu kaaga murmaa markay lacagtu kuu badato , markaasuu iigu jawaabay hadana , laba dukaan ayaan lacagta midba in u dhiibtaa , ka dibna hadba marka ay ii gaadho 50 kun ayaan ka qaadaa , dabeeto Bankiga dhexe ee Somaliland ayaan dhigtaa oo aan Account ku leeyahay .

Wiilkaas yar ee Baalash laha ahaa , ee Bankiga dhexe xisaabta ku lihi waxay cadayn buuxda u tahay , koritaanka ilbaxnimadda iyo xadaaradda bulshadda , sidaa darteed , siyaasiyiinta waawayn iyo dadka umadda wax u sheegga waxaan ku baraarujinayaa in ay la socdaan wacyiga dadka kuna xisaabtamaan halka uu marayo fikirka maanta ee bulshaddu .