Waxaana Taliska Booliiska Amaan iyo Bogaadin u direen Taliye Najiib maadama uu howl loo baahnaa uu qabtay lkn Saacado ka dib maxaa dhacay?

Dibad baxyo xoogaan oo Magaalada Muqdisho ka dhacay ayaa Taliyaha Ciidamada Booliiska Soomaaliya General Cabdi Xasan Maxamed Xijaar uu sheegay in Taliye Najiib Carab oo ahaa Taliyihii booliska ee Degmada Boondheere xilka laga qaaday iyadoo xil ka qaadistiisa loo sababeynayo shaqaaqadii xalay ka dhacday Degmadiisa taasi oo ah arin layaab leh maadama uu Taliyaha uu gutay waajibaadkii ka saarnaa dhacdadaasi oo uu soo qabtay gacan ku dhiiglihii.

Aragtideyda Taliye Najib waxa uu ahaa Taliyaha kaliya ee Degmada uu maamulayay si wanaagsan ula dhaqmayay shacabka inta uu bandowga socday mana mudnayn Xil-ka qaadis ee wuxuu mudnaan bogaadin iyo abaal marin sidii saakaba Taliska Bolisku ugu mahad celiyey, lkn Soomaalida ayaa horey ugu maah maahday Miskiin ayaa miska la fuulo leh halkii la rabay in Taliyaasha waa weyn ay Xilkooda kuwaayaan wixii Magaaladan maanta ka dhacay ayaa waxaa lagu saan tirsaday Taliye Booliis Degmo oo aan waxba galabsan.

Hadaba marka la fiiriyo wixii maanta ka dhacay Magaaladan waxaa mudnaa in xilka laga qaado Taliye Xijaar maadama uu ka mid yahay Dadka go'aanka ka gaaray Bandowga Magaaladan la saaray si ugu yaraan Dadka Shacabka ah ay u qancaan in dhibkii dhacay uu ku baxay qof weyn oo miisaan leh.

Cadaalada ha shaqeyso

AbdiFitah Macalin Nur Qeys