Burco(HWN):-Taliyihii ciidamada booliska ee gobolka Saraar Gaashaanle Dhexe Xasan Ismaaciil Yuusuf (Gamca-Yare) iyo askar ka tirsan ciidanka gobolka ayaa dhaawac loogu gaystay magaalada Caynaba.

Wararka ka soo baxaya magaalada Caynaba ayaa sheegaya in taliyaha ciidanka booliska ee gobolka iyo laba askari oo kale lagu dhaawacay dhagaxaan ka dib markii ay isku dayeen inay awood ku kala kaxeeyaan dad ku xoonsanaa meherad ganacsi oo u dhawayd guriga taliyaha.

Dadkii shacabka ahaa ee ay ciidamada booliska oo taliyahoodu wehelinayaa ay isku dayeen inay kala kaxeeyaan ayaa kala horyimid iska caabin iyaga oo u adeegsaday dhagaxaan ay ku shiideen taas oo keentay in taliyaha iyo laba askari ay dhaawacmaan.

Dhinaca kale wararka ayaa sheegaya in ciidamada boolisku ay dadka shacabka ah u adeegsadeen rasaas xoog badan taas oo aan ilaa hada la xaqiijin inay sababtay khasaare dhimasho ama dhaawac ah oo soo gaadha bulshada.

Warka ayaa xaqiijiyey in taliyaha ciidanka booliska ee gobolka Saraar uu dhaawac culus ka soo gaadhay madaxa ka dib markii ayhaleeleen dhagaxaantii ay shacabku kala horyimaadeen.

Hadhwanaagnews kala soco wixii warar ah ee ka soo kordha.