War Deg Deg Ah:-Dawlada Itoobiya Oo Xidhay Xuduuda Ay La Wadaagto Somaliland
Hargeysa(HWN):-Dawlada Itoobiya ayaa xidhatay xadka ay la wadaagto somaliland ee dhulka.
Sida ay sheegayaan warar laga helayo magaalada Wajaale, ciidamada amaanka ee dawlada Itoobiya ayaa xidhay xuduudka dhulka ee ay somaliland la wadaagaan, iyada oo ay ciidamadu hor istaageen in dadku ay u kala gudbaan xuduuda labada dal.
Dadweynaha ku nool magaalada Wajaale ayaa cabasho balaadhan ka muujiyey talaabada ay dawlada Itoobiya ku xidhay xuduuda u dhaxaysa somaliland ka dib markii ay ciidamadu awood ku hor istaageen in shacabka labada dhinac isku talaabaan.
Wararka ayaa sheegaya in ciidamada Itoobiya ay ogolaadeen inay xuduuda ka talaabaan baabuurta sida jaadka iyo khudaarta ee ka imanaysa dhinaca Itoobiya, kuwaas oo u soo talaabay Somaliland.