Somaliland ma dhici karto in dadku ay aqbalaan 3 cisho Guryihiina ku jira oo ha soo bixina, ama meheradihiina xidha. Waayo? Dadku 80% waxay ay cunaan subixii ayay sida shumbiraha suuqyada doontaan weliba u doontaan si baqtiyaa nasiib ah oo dagaal iyo xarbi ku dhisan

Waa ta labaade Xanuunkani waa Hargab dadka uu ku dhacana 80% wuxuu ku maraaya safmareen aan waxba yeelaynin, lakiin inta uu soo rito oo u badan dadka waaweyn, dadka xanuuno hore lahaa iyo dadka buurbuuran keliya waxa loo qaban karaa waa in loo sameeyo Intensive Treatment taas oo la adeegsanayo Mechanical Ventilation. Somaliland ma yaala adeegani??? Waa maya!

Muuse Biixi yaanu waqti ku iibsanin Coronaviruska ee arimaha ay umadu ka sugayaan wax ha ka qabto ee ay ugu horeeyaan.

1. Marka hore hadii uu doonayo in uu uun wax ka qabto Coronaviruska, ha joojiyo Diyaaradan Ethiopian Airline oo xanuunka ka soo xamaali karta Bakhaarada uu ka buuxo ee Europa iyo America

2. In uu Dawladiisa ka dhigo Dawlad cadaalada oo reer Somaliland oo dhami u siman yihiin si loo helo midnimo lagaga hor tagi karo Coronaviruska iyo cidii kale ee soo duushaba

3. In uu dadka u sheego wixii ay Farmaajo ku soo wada hadleen si uu meesha uga baxo shakigan ka hadalsiiyay Suldaamo iyo Siyaasiyiinba.

4. In uu Doorashooyinkii la sugaayay uu qabto oo aanay isaga iyo Ina Kaahin marmariisiyo ka dhiganin in ay Afka ka sii duubduubtan, Coronaha Europa iyo America mushaaxaya.

Wuxuu yidhi Cawil Goondhas AHUN "Ma waxaro muqumad arkaaya ayaa dareeraya"

Imika ma umad cadaalad daro iyo maamul xumo arkaysa ayaa midoobaysa.!!!

Xidhiidhiyaha Yurub iyo Waqooyiga America ee Xisbiga Wadani

Osman Omar Dool
Oslo Norway